რა დაჯდება ასფალტის დაგება ნინოწმინდის მუნიციპალიტეტში 2022 წელს?
ნინოწმინდის მუნიციპალიტეტში 2022 წელს 6 500 მეტრ გზაზე 4 540 000 ლარის ფარგლებში ასფალტი მოეწყობა.
ფინანსების უმეტესი ნაწილი რეგიონული განვითარების ფონდიდან არის გამოყოფილი. ქალაქ ნინოწმინდის ქუჩების მოასფალტება უკვე დაწყებულია.
ქალაქ ნინოწმინდაში ექვს ქუჩაზე მოეწყობა ასფალტი:
ქუთაისი, კარლ-მარქსი, ჩაპაევი, ჰაიოს-ქართლოსი, ყარსისა და ხოჯაბეკის ქუჩები.
ჯამური თანხა შეადგენს 1 240 000 ლარს და მოასფალტდება 1 900 მეტრის გზა.
რაც შეეხება სოფლების მიმართულებით მოასფალტებას, დაგეგმილია 4 600 მეტრის 3 300 000 ლარის ოდენობის თანხით მოასფალტება.
2022 წელს ასფალტი დაიიგება შემდეგი მიმართულებებით:
- ს. დიდი და პატარა გონდრიოს გზის ნაწილი – 1100 მეტრი 500 000 ლარის ოდენობით;
- ს. ეშტიის, თორიას, უჩმანას მიმართულებით გზის მოასფალტების გაგრძელება 1 500 000 – 1 980 მეტრი;
- გზა სოფელ დიდი არაგიალიდან პატარა არაგიალის მიმართულებით -1080მ 800000 ლარის ოდენობით;
- ს. ყულალისი – გონდურა – 400 მეტრი;
- ს. გონდურა – დილიფის მონაკვეთი – 62 მ 40 000 ლარი.
მოსახლეობა კმაყოფილია, რომ საბოლოოდ ასფალტზე ივლის, თუმცა ასევე აღნიშნავენ, რომ სანიაღვრე არხების პრობლემა მოგვარებას საჭიროებს.
წვიმის დროს სანიაღვრე არხების არარსებობის გამო წყალი ეზოებში და საცხოვრებელ სახლებში ჩაედინება. პრობლემა მოგვარდება მხოლოდ იმ შემთხვევაში, თუ პირველ რიგში სადრენაჟო თხრილები გაკეთდება, შემდეგ კი ასფალტირება მოხდება.
აღსანიშნავია, რომ წელს ზემოთაღნიშნული ქალაქის ქუჩებიდან მხოლოდ ორ ქუჩას ექნება სანიაღვრე არხები. დანარჩენი ქუჩები ამ არხების გარეშე მოეწყობა.
ქალაქის მოსახლეობა ამბობს, რომ სანიაღვრე თხრილების პრობლემას ყურადღება უნდა მიექცეს, წინააღმდეგ შემთხვევაში ახალი ასფალტის გზა ჩაიშლება.
ამჟამად, როგორც ქალაქის ქუჩებზე, ასევე იმ სოფლების მიმართულებით, სადაც ასფალტის დაგებაა დაგეგმილი, მიმდინარეობს პირველადი სამუშაოები და ძველი ნიადაგის მოხსნა, რის შემდეგაც მოხდება მათი გადაფარვა და მოასფალტება.
ნინოწმინდის მუნიციპალიტეტის ინფრასტრუქტურის სამსახურის უფროსის არმენ ბდოიანის სიტყვებით, სტანდარტის მიხედვით, ასფალტის ფენა 6 მეტრ სიგანეზე უნდა იყოს. თუ ქუჩა ფართოა, მაშინ ტროტუარებიც არის გათვალისწინებული. სადაც პრობლემური ქუჩებია, სანიაღვრე თხრილებიც უნდა იყოს გაყვანილი, მიუხედავად იმისა, ფართოა თუ არა ქუჩა. ასფალტირების სამუშაოებს წელს თუ დავასრულებთ, ქუჩების 90%-ზე მეტი მოასფალტდება. მხოლოდ მრავალსართულიანი კორპუსების ეზოებსა და ქუჩების შესახვევების მოასფალტება დარჩება.
ნინოწმინდის მუნიციპალიტეტის მერიის ზედამხედველობის სამსახურის უფროსმა არტურ შირინიანმა აღნიშნა, რომ 500 000 ლარზე მეტი ღირებულების სამშენებლო სამუშაოებზე ზედამხედველობას ახორციელებს კომპანია ქრიზალიტი, რომელსაც მერიასთან ხელშეკრულება აქვს გაფორმებული. როგორც მერიის, ასევე ჩვენი მხრიდან მუდმივად ტარდება კონტროლი და თუ რაიმე ხარვეზს შევამჩნევთ, დაუყოვნებლივ ვაცნობებთ სამშენებლო კომპანიას. რაც შეეხება ასფალტის ხარისხს, კონტროლს ახლაც „ქრიზალიტი“ ახორციელებს.
ნებისმიერ სამშენებლო სამუშაოს აქვს სამწლიანი გარანტია. დეფექტების შემთხვევაში კომპანია ვალდებულია ის შეაკეთოს. გასულ წელს სოფელ ოროჯალარისკენ მიმავალი გზის ასფალტის ხარისხში ხარვეზები გამოვლინდა და კომპანიამ ყველა პრობლემა აღმოფხვრა. ჯერ იწერება პროექტები, რომლებიც იგზავნება შესამოწმებლად და მხოლოდ ამის შემდეგ ტარდება სამუშაოები. კიდევ ერთი პრობლემაა: ქუჩის მოასფალტების შემდეგ მოსახლეობა წყალსადენებს ამონტაჟებს და ახალ ასფალტს აფუჭებს. მერია მოსახლეობას გარკვეული სამუშაოს გაკეთების საშუალებას აძლევს, მაგრამ ისინი ვალდებულნი არიან ასფალტის ფენის მოხსნის შემდეგ აღადგინონ წინა იერსახე, თუმცა ეს ხშირად ცუდად კეთდება.
აღსანიშნავია, რომ ნინოწმინდის მუნიციპალიტეტის მერიამ სამშენებლო სამუშაოების ექსპერტიზისა და ზედამხედველობის ტენდერი გამოაცხადა, რომლის თანხაც 50 000 ლარს აჭარბებს. სამშენებლო სამუშაოების ექსპერტიზა და ზედამხედველობა ნინოწმინდის მუნიციპალიტეტში 2021-2022 წლებში უნდა განხორციელდეს. ამ სერვისისთვის ადგილობრივი ბიუჯეტიდან 420`000 ლარი გამოიყო. მომსახურება, ზედამხედველობა უნდა განხორციელდეს შემდეგზე: გზები, წყალმომარაგება, ხიდები, შენობების მშენებლობა/მშენებლობა და შეკეთება და ა.შ. სამშენებლო სამუშაოების ექსპერტიზაზე ტენდერში გაიმარჯვა ექსპერტიზის ბიურო „ქრიზოლიტმა“. აქვე დავამატებთ, რომ წელს ქალაქ ნინოწმინდის ჭოჭაშენის უბანში მოასფალტებულ ქუჩებზე, სადაც არ იყო სანიაღვრე თხრილები, 290 000 ლარის სანიაღვრე სისტემა აშენდება.
https://create.piktochart.com/teams/27309223/infographic/saved/58692253
სად მიდის ჩვენი ფული? 7 საუკეთესო საიტი ნინოწმინდის ბიუჯეტის მონიტორინგისთვის
Opinion, pooling and voting
