Եղբայրը սպանել է 34-ամյա քրոջը
Սպանություն է տեղի ունեցել Սիղնաղի շրջանում։ ՆԳ նախարարության տեղեկություններով՝ սպանության գործով մեկ անձ ձերբակալվել է։
Գերատեսչության տվյալներով՝ ձերբակալվածը մեղադրվում է ընտանիքի անդամի առողջությանը դիտավորությամբ ծանր վնաս պատճառելու մեջ, ինչն էլ պատճառ է դարձել կյանքի կորստի։
«Քննությամբ պարզվել է, որ ամբաստանյալ տղամարդը, ալկոհոլի ազդեցության տակ, Սիղնաղում ֆիզիկական վնասվածքներ է հասցրել քրոջը՝ 1988 թվականին ծնված Մ.Ա.-ին, ինչի հետևանքով կինը տեղում մահացել է։ Հանցագործության մեջ մեղադրվողին իրավապահները ձերբակալել են թեժ հետքերով»,- հայտնել են ՆԳ նախարարությունից։
Ընտանիքի անդամի առողջությանը դիտավորությամբ ծանր վնաս պատճառելու փաստի առթիվ հետաքննությունն անցկացվում է Վրաստանի Քրեական օրենսգրքի 11 Պրիմա-117 հոդվածի 4-րդ մասով։
Հանցագործությունը պատժվում է 10-ից 14 տարվա ազատազրկմամբ։1tv.ge
Opinion, pooling and voting
