Ո՞րն է եղել Ախալքալաքի կլինիկայում նոր ծննդաբերած կնոջ մահվան պատճառը

Ո՞րն է եղել Ախալքալաքի կլինիկայում նոր ծննդաբերած կնոջ մահվան պատճառը

Ախալքալաքի հիվանդանոցում մահացած նոր ծննդաբերած կնոջ դեպի վերաբերյալ փորձաքննությունն ավարտվել է, թեեւ «Լեւան Սամխարաուլիի քննական բյուրոն» չի մեկնաբանել, պատասխան չենք ստացել նաեւ ՆԳՆ-ից։ Մահացածի քույրը՝ Մթվարիսա Զազաձեն, ասում է, որ իրավապահ մարմիններից ստացված տեղեկատվության համաձայն՝ պատճառը եղել է կորոնավիրուսի հետևանքով առաջացած բարդությունները։

27-ամյա կինը՝ Մզիսա Զազաձեն, հուլիսի 30-ին ֆիզիոլոգիապես ծննդաբերել է «Եվեքսիս» ցանցի Ախալցիխեի ուղեգրային հիվանդանոցում։ Նա բուժհաստատությունից դուրս է գրվել օգոստոսի 3-ին։ Առողջական վիճակի վատթարացման պատճառով օգոստոսի 6-ին կնոջը տեղափոխել են «Ախալքալաքի հիվանդանոց», իսկ հաջորդ օրը նա մահացել է։

Կնոջ ինքնազգացողության վատթարացման պատճառը պարզելու համար դիակն արդեն զննվել է, սակայն Լեւան Սամխարաուլիի անվան դատաբժշկական փորձաքննության բյուրոյից ու ՆԳՆ-ից պատասխան չենք ստացել։ Գործակալությունից մեզ միայն հայտնեցին, որ կատարվում են քննչական գործողություններ։

Ախալցիխեի դատաբժշկական փորձաքննության բյուրոյի փորձագետ Դավիթ Մերաբիշվիլիի խոսքով՝ լրացուցիչ հանձնաժողովային փորձաքննություն է նշանակվել՝ պարզելու՝ արդյոք հիվանդին տրվել է ճիշտ բուժում։

Կնոջ քրոջ՝ Մզիսա Զազաձեի խոսքով՝ մահվան պատճառը եղել է կորոնավիրուսը։ Այս մասին նա տեղեկացել է իրավապահներից։ Կատարվածի մեջ նա մեղադրում է Ախալցիխեի Ռեֆերալ հիվանդանոցի բժիշկներին։

«Ես անձամբ եմ եկել ոստիկանություն, ինձ ասել են, որ վիրուսն է պատճառը։ Նա ունեղել է կորոնավիրուս, և դա առաջացրել է այս ամենը, արգելափակել է թոքերը և տեղափոխվել երիկամ. սա է հետազոտության պատասխանը։ Հիմա չգիտեն, թե որ բժիշկն է մեղավոր՝Ախալցիխեի կլինիկայից կամ Ախալքալաքի։ Անձամբ ես մեղադրում եմ Ախալցիխեի բժիշկներին։Ես պատրաստվում էի բողոքել, բայց քույրս այլևս ողջ չէ և իմաստ չունի այս ամենը։ Հիվանդանոցի հետազոտությունն ու բժիշկները կապված են, իսկ թե այնտեղ ինչ կգրեն, ինչը՝ ոչ, դա իրենց գործն է»,- ասում է Մթվարիսա Զազաձեն։

Ինչ վերաբերում է մահացած կնոջ մորը՝ Մարիամ (Գյուլի) Զազաձեին, միջադեպի պատճառների մասին դժվարանում է խոսել։ Նա պատասխանի է սպասում իրավապահներից՝ մահվան պատճառը պարզելու համար։

«Իմ աղջկան ինչ-որ մեկը կվերակենդանացնի՞։ Բողոքելու իմաստը ո՞րն է, բայց դեռ կսպասենք վերջնական պատասխանին, թե ինչ կլինի»,- մեզ հետ զրույցում ասաց նա։

Միջադեպն ուսումնասիրվել է նաև Բժշկական և դեղագործական գործունեությունը կարգավորող գործակալության կողմից։ Ինչպես մեզ հայտնեցին գործակալության հասարակայնության հետ կապերի ծառայությունից, փաստաթղթերն ուղարկվել են վերանայողին։

«Ուսումնասիրության գործընթացն ավարտված է, փաստաթղթերը փոխանցվում են գրախոսին [այսինքն՝ փաստաթղթերը գնահատող անկախ փորձագետին]՝ կլինիկական գնահատման համար։ Նա պետք է կլինիկորեն գնահատի վերը նշվածը և մեզ պատասխան տա», – ասվում է գործակալության մեջ։

Դեպքի առնչությամբ ՆԳՆ-ն հետաքննություն է սկսել Քրեական օրենսգրքի 116-րդ հոդվածով, որը նշանակում է անզգուշությամբ կյանքին սպանելը։ Հանցագործությունը պատժվում է տնային կալանքով՝ վեց ամսից երկու տարի ժամկետով, կամ ազատազրկմամբ՝ երկուսից չորս տարի ժամկետով։sknews.ge

Opinion, pooling and voting