Թորիայի դպրոցը կունենա նոր ջեռուցման համակարգ եւ կաթսայատուն

2022 թվականի մարտ ամսին ուժեղ քամին քանդել էր Նինոծմինդայի մունիցիպալիտետի Թորիա գյուղի դպրոցի շենքի տանիքը, ինչից վնասվել էր նաեւ դասարանների մեծ մասի ծխնելույզները:

Թորիայի դպրոցը մինչեւ ծխնելույզների քանդվելը ջեռուցվում էր վառարաններով եւ վառելափայտով, իսկ ներկա պահին ջեռուցվում է էլէկտրական սալիկների միջոցով:

Նշենք, որ դպրոցում արդեն 1 շաբաթ է ինչ ընթանում են կաթսայատան կառուցման եւ վերանորոգման աշխատանքներ, ինչին հետեւելու է մարտկոցների տեղադրման աշխատանքը:

Թորիայի դպրոցի ջեռուցման համակարգի հետ կապված Վրաստանի կրթության և գիտության նախարարության կողմից նախատեսվել է 173 166 լարի գումար, որը 138 000 լարիով շահել է Ախալքալաքից անհատ ձեռներեց Նորայր Մանասյանը:

Մանրամասների մասին NOR ռադիոակայանի հետ զրույցում պատմեց դպրոցի տնօրեն Սերգեյ Պետրոսյանը:

Կարդացեք նաեւ՝

• Փոքր Արագյալ գյուղի դպրոցի կաթսայատունը արդեն ծածկի տակ է
• Թորիայի դպրոցը գազաֆիկացված չէ
• Քամուց տուժած Թորիայի դպրոցի կտուրը վերանորոգվել է

---

---