Վերին Լարսի անցակետում բեռնատարների հերթ է գոյացել

Գլխավոր լուսանկարը NOR -ի արխիվից.

Ռուսաստանի Դաշնային մաքսային ծառայության ղեկավարի առաջին տեղակալ Ռուսլան Դավիդովը հայտնել է, որ Ռուսաստանից Վրաստան մեկնելիս բեռնատարների հերթ է գոյացել։ Նրա խոսքերը փոխանցում է «ՌԻԱ Նովոստի»-ն։

Նշվում է, որ խոսքը Վերին Լարսի անցակետի մասին է, որը Դավիդովը խնդրահարույց է համարել։ «Այսօրվա դրությամբ Վերին Լարսը գրեթե առցանց է աշխատում, իսկ ռուսական կողմից ելքի համար բեռնատարների հոսք է նկատվում և, ցավոք, մեծ հերթ է»,— ասել է նա:

Մաքսային տվյալների համաձայն՝ այս անցակետով ապրանքային հոսքերը 2022 թվականին աճել են։ Մեկ օրում Ռուսաստանից դուրս է գալիս մոտ 600 բեռնատար։ «Պետք է հաշվի առնել, որ անցակետի հետևում թունել կա։ Եթե այս թունելում ինչ-որ բան է տեղի ունենում, մենք արդեն ոչնչով չենք կարող օգնել»,- եզրափակել է Դավիդովը։ shantnews.am

• Վերին Լարսում 12 նոր գոտիներ են բացվել. Հերթեր չե՞ն լինի

---

---