Կրկին աղբ. այս անգամ Մեծ Գոնդուրայի ճանապարհի, ողջ երկայնքով
Նինոծմինդայի մունիցիպալիտետի Մեծ Գոնդուրա գյուղից մինչեւ Նինոծմինդա Ախալքալաք կենտրոնական ճանապարհի մոտ երթևեկելիս ականատես ենք լինում աղբի մեծ կուտակման։
Հաճախակի ենք նկատում մեքենայից նետվող աղբ, ինչը մեծ վնաս է հասցնում մարդկանց, կենդանիների առողջությանը և շրջակա միջավայրին։
Ճանապարհը ամբողջ երկայնքով պատված է թափոնով: Նամանավանդ պոլիէթիլենային տոպրակներով և շշերով: Ինչը դարձել է շատ մեծ խնդիր:
Աղբը ոչ միայն հաճելի չէ աչքին այլ նաեւ տարբեր տեսակի խնդիրներ է առաջացնում տարածքում արածող անասունների եւ մոտակայքում գտնվող արտերի համար:
Հավելենք, որ Նինոծմինդայի մունիցիպալիտետի կոմունալ ծառայության պարտականությունների մեջ չի մտնում գյուղեր տանող ճանապարհների եզրերի մաքրման աշխատանքները:
Վրաստանի խորհրդարանը «Թափոնների կառավարման օրենսգրքում» փոփոխություններ էր կատարել, որոնց համաձայն մի շարք դեպքերում շրջակա միջավայրի աղտոտման համար տուգանքների չափն ավելանում է:
Ներկայացված օրինագծի հեղինակներ Գոգա Գուլորդավայի և Սուլխան Մախաթաձեի պարզաբանմամբ, գործնականում շատ են դեպքերը, երբ ֆիզիկական և իրավաբանական անձինք, չնայած կոնկրետ իրավախախտման համար սահմանված տուգանքներին, միևնույն է աղտոտում են շրջակա միջավայրը տարբեր թափոններով: Օրինագծի հեղինակները նշված խնդրի համար առաջարկում են սահմանել ավելի խելամիտ տուգանքներ, որոնք նրանց համոզմամբ կնպաստեն շրջակա միջավայրի ավելի քիչ աղտոտմանը:
Հշեցնենք՝ տնից մինչև 2 կգ աղբ նետելու դեպքում անձը կտուգանվի 100-ի փոխարեն 200 լարիով:
Եթե աղբը նետեք անձնական մեքենայից, կտուգանվի վարորդը, հանրային տրանսպորտի դեպքում` դուք: Երկու դեպքում էլ տուգանքը կազմում է 250 լարի:
Երկու կամ երկու կգ-ից ավելի աղբով շրջակա միջավայրն աղտոտելու համար ֆիզիկական անձը կտուգանվի 500 լարիով, իրավաբանական անձը` 1000 -ի փոխարեն 1500 լարիով:
Opinion, pooling and voting
