Ուռուցքաբանը պարզաբանել է, թե ինչու է երիտասարդների մոտ հաճախ ախտորոշվում քաղցկեղի խորացված փուլ
Եթե ուռուցքաբանական հիվանդությունը ախտորոշվում է երիտասարդ տարիքում, ապա հաճախ այն արդեն գտնվում է ավելի ուշ փուլերում, որոնք ավելի դժվար է բուժվում։ ՍՄ-Կլինիկայի գլխավոր ուռուցքաբան, բժշկական գիտությունների դոկտոր, պրոֆեսոր Ալեքսանդր Սերյակովը «Իզվեստիային» ասել է, թե ինչու է դա տեղի ունենում ։
Նրա խոսքով, ուռուցքաբանական հիվանդությունների երիտասարդ տարիքը համարվում է մինչև 35-40 տարեկանը։ Միաժամանակ, կարծիք կա, որ երիտասարդների մոտ քաղցկեղն ավելի արագ է զարգանում, սակայն, ինչպես նշել է ուռուցքաբանը, դա այդպես չէ։
«Ամենից հաճախ մենք գործ ունենք երիտասարդների որոշակի անզգուշության հետ, ովքեր չեն ենթարկվում տարեկան բժշկական զննման կամ դիմում են բժշկի, երբ ախտանիշներն այլևս չեն կարող անտեսվել: Արդյունքում, այս խմբի ուռուցքաբանական հիվանդությունները հաճախ ախտորոշվում են արդեն ուշ փուլերում, որոնք բուժելի չեն»,- ասել է Սերյակովը։
Միաժամանակ նա հավելել է, որ նույնիսկ ավելի մեծ տարիքային խմբերում քաղցկեղը կարող է զարգանալ տարիներ շարունակ։
«Ամեն ինչ կախված է ուռուցքի, այսպես կոչված, պրոլիֆերատիվ ակտիվությունից: Եթե ուռուցքային կլոնում կան բազմաթիվ բջիջներ, որոնք ակտիվորեն բաժանվում են, ապա քաղցկեղը արագ զարգանում է և տալիս է տարածուն մետաստազներ։ Դա կարող է լինել ինչպես երիտասարդ, այնպես էլ մեծ տարիքում»,- ընդգծել է Սերյակովը։
Սերյակովը «Իզվեստիային» ասել է, որ քաղցկեղածնության և քաղցկեղի, այդ թվում՝ աղիքի քաղցկեղի զարգացման ռիսկի վրա ազդող ամենավնասակար սննդամթերքը ապխտած երշիկն է։
Opinion, pooling and voting
