Սովի կեղծ զգացումը հաղթահարելու միջոց

Էնդոկրինոլոգ Զուխրա Պալովան խորհուրդներ է տվել, թե ինչպես հաղթահարել սովի կեղծ զգացումը։ Իր Telegram-ի ալիքում մասնագետը խորհուրդ է տվել նման զգացողության դեպքում փոխել գործունեությունը և ավելի շատ ջուր խմել։

Նրա խոսքով՝ սովի զգացումը հաճախ է առաջանում, երբ անցնում ես ճիշտ սնվելու, երբեմն այն կարելի է շփոթել ծարավի հետ, ուստի պետք է ամեն օր խմել առնվազն 2 լիտր ջուր։

Բացի դրանից, արժե 3-5 ժամվա ընթացքում պահպանել կերակուրների միջև ընդմիջումը կամ խորտիկ ուտել հիմնական կերակուրների միջև, գրում է Դաշնային լրատվական գործակալությունը։

Պավլովան նշել է, որ միայն միրգ ուտելն անառողջ է, քանի որ դա հանգեցնում է ինսուլինի կտրուկ ավելացման և սովի։ Այսպիսով, մեկ խնձոր կամ մեկ բանան ուտելն այնքան էլ առողջարար չէ, ավելի լավ է դրանք ուտել մի կտոր պանրի կամ մածունի հետ միասին, գրում է Life.ru-ն։

Էնդոկրինոլոգը հավելել է, որ վնասակար բան ուտելու ցանկությունը հաճախ առաջանում է հոգեկան սթրեսի պատճառով։ Նման պահերին բժիշկը խորհուրդ է տվել շեղվել ֆիզիկական ակտիվությամբ, այդ ժամանակ ուղեղը կկենտրոնանա մկանները կառավարելու վրա։ Ինչպես նաև գիշերը մինչև ժամը 21:00-ն ատամները լվանալը կօգնի հաղթահարել սովի կեղծ զգացումը։

---

---