Ջրաչափերը կլուծեն Նինոծմինդա քաղաքի ջրի խնդիրը
Երեկ՝ Նինոծմինդայի մունիցիպալիտետի քաղաքապետարանում տեղի ունեցավ քաղաքապետի, Սակրեբուլոյի նախագահի և տեղակալների հանդիպումը Վրաստանի՝ Սամցխե-Ջավախեթիի Միացյալ ջրամատակարարման ընկերության ղեկավարի հետ:
Հանդիպմանը քննարկվել են ջրամատակարարման հետ կապված խնդիրները: Պատգամավորների նշած հիմնական խնդիրները Նինոծմինդա քաղաքում խմելու ջրի բացակայությունն է, ջրի որակը, ջրավազանի կառավարումը և ընդհանուր արժեքը: Պատգամավորները նշեցին, որ քաղաքի բնակիչների մոտ 90% -ը ջուր է ստանում օրական ընդամենը մի քանի ժամով, իսկ ամռանը շաբաթներով ջուր չունի: Նշվեց նաև, որ ջուրը կեղտոտ է, և ջրավազաններում վերահսկողություն չկա: Բուռն քննարկումից հետո կողմերը եկել են ընդհանուր որոշման՝ տեղադրել ջրաչափեր:
Հանդիպումը կազմակերպել էր Սակրեբուլոյի նախագահ Վահան Արոյանը, քանի որ կային բազմաթիվ դիմում-բողոքներ պատգամավորներից:
«Ջրամատակարարման խնդրի միակ լուծումը ջրաչափերի տեղադրումն է, ինչպես բնակիչների, այնպես էլ իրավաբանական անձանց համար, ինչը կխնայի ջրի օգտագործումը: Բնակիչները 24 ժամվա ընթացքում ավտոմատ կերպով կստանան մաքուր և բարձրորակ ջուր: Մենք ցանկանում ենք հնարավորինս շուտ սկսել այս նախագիծը: Քաղաքապետարանը և սակրեբուլոն կօգնեն բնակիչների հետ աշխատանքում: Նախ, պետք է նախագիծը ներկայացնել ընկերության ղեկավարին, ապա կատարել նախագծային և տնտեսական աշխատանքները», – ասում է Գեորգի Գրիգոլաշվիլին՝ Վրաստանի Սամցխե Ջավախեթիի տարածաշրջանի Միացյալ ջրամատակարարման ընկերության ղեկավարը:
Նինոծմինդա քաղաքում 1200 բաժանորդ կա, եւ ըստ Գիորգի Գրիգոլաշվիլիի, այս տարվա երկրորդ կեսից քաղաքում հաշվիչներ կտեղադրվեն, իսկ ջուրը կտրամադրվի շուրջօրյա:
Այսօր ընկերությունը Նինոծմինդա քաղաքի համար նոր պոմպ հանձնեց Հեշտիա գյուղի պոմպակայանին: Հիմնական պոմպը շարքից դուրս եկել մի քանի օր առաջ, և ջուրը մղվել է պահուստային պոմպի միջոցով: Ներկայումս աշխատանքներ են տարվում նոր հիմնական պոմպ տեղադրելու ուղղությամբ:
Opinion, pooling and voting
