«Մթավարի Արխի»-ի օպերատորին «Վրացական երազանքի » գրասենյակի երկրորդ հարկից ցած են նետել
«Մթավարի Արխի» հեռուստաալիքի տնօրեն Նիկա Գվարամիան ասել է, որ այսօր Լևան Աբլոտիաին՝ հեռուստաալիքի օպերատորին, գցել են Քարելիում գտնվող «Վրացական երազանքի» գրասենյակի երկրորդ հարկից (Շիդա Քարթլիի շրջան): Նրա խոսքով ՝ օպերատորը տեղափոխվել է տեղի հիվանդանոց:
Հեռուստաալիքի լրագրող Բեկա Ղորշիան, ով եղել է դեպքի վայրում, ասել է, որ ֆիզիկական բախումը տեղի է ունեցել այն բանից հետո, երբ լրագրողները եկել են «Վրացական երազանքի» գրասենյակ:
«Մենք գնացինք Քարելի` հանդիպելու Զազա Գուլիաշվիլիի [ Քարելի քաղաքապետի] հետ, և հենց սկզբից նրանք մեզ շատ ագրեսիվ էին վերաբերվում: Տեղի է ունեցել ֆիզիկական բախում:
Շենքի տակ կա կոմերցիոն տարածք, որտեղից աստիճաններով բարձրանում եք «Վրացական երազանքի» շտաբ, որտեղից էլ նրան ցած գցեցին: Չգիտեմ ինչ անվանել այս խելագարությունը », – ասել է Բեքա Ղորշիան «Մթավարի Արխի» – ի եթերում: