Արդյո՞ք Ռուսաստանը կփակի սահմանները Covid-ի պատճառով

Կորոնավիրուսի հետ կապված իրավիճակի վերահսկման և մոնիտորինգի օպերատիվ շտաբը ներկայումս չի նախատեսում փակել Ռուսաստանի սահմանները այլ երկրների հետ։ Այս մասին հայտարարել է Ռոսպոտրեբնադզորի ղեկավար Աննա Պոպովան, փոխանցում է «Ինտերֆաքսը»։

«Վիրուսի տարածումը հիմնականում երկրի ներսում է։ Սրանք ներմուծված դեպքեր չեն»,- ընդգծել է նա։ Գերատեսչության ղեկավարը պարզաբանել է, որ Ռուսաստան ժամանողների շրջանում դրական PCR թեստերի համամասնությունը մեկ տոկոսից ոչ ավելի է։

Ավելի վաղ Պոպովան հայտարարել էր, որ Ռուսաստանի բոլոր շրջաններում ներդրվել է բնակչության մի մասի COVID-19-ի դեմ պարտադիր պատվաստում։ Նրա խոսքով՝ COVID-19-ով հիվանդացության առավելագույն աճը նկատվում է ավելի մեծ տարիքային խմբի մարդկանց մոտ։

---

---