Հորդառատ անձրեւը խնդիրներ է ստեղծել Թբիլիսիում
Թբիլիսիի մի քանի թաղամասերի փողոցներ հեղեղվել են ապրիլի 30-ի երեկոյան տեղացած հորդառատ անձրևից հետո։ Հայտնում է Newsgeorgia-ն։
Սոցցանցերի օգտատերերն ամենից հաճախ արձանագրել են կենտրոնական շրջաններում առկա խնդիրների մասին՝ ջրով լցվել են ճանապարհները, բնակելի շենքերի նկուղները և առաջին հարկերի կոմերցիոն օբյեկտները։
Կեսգիշերին մոտ՝ առատ տեղումների պատճառով, գործնականում կաթվածահար է եղել երթևեկությունը Հերոսների հրապարակում, ինչպես նաև Վակե և Սաբուրթալո թաղամասերը կապող ճանապարհին։
Ողջ գիշեր Արտակարգ իրավիճակների կառավարման ծառայության և քաղաքապետարանի աշխատակիցները պայքարել են ջրհեղեղի հետևանքների դեմ։ Շենքերից ջուր հանելու աշխատանքները շարունակվում են այսօր։
Opinion, pooling and voting
