«Եվրախորհրդարանը դարձել է ֆեյքերի զոհ». «Վրացական երազանք»-ը պատասխանել է Ստրասբուրգին
Միլիարդատեր Բիձինա Իվանիշվիլիի դեմ պատժամիջոցներ սահմանող բանաձևը «կեղծ լուրերի արդյունք է» և ծառայում է Վրաստանում հանցագործներին իշխանության վերադարձնելուն, ասել է «Վրացական երազանքի» նախագահ Իրակլի Կոբախիձեն։
Այսպես է Իվանիշվիլիի հիմնած կուսակցության ղեկավարը մեկնաբանել Վրաստանում ԶԼՄ-ների ազատության եւ լրագրողների պաշտպանության մասին այսօր ընդունված բանաձեւը, որն այսօր ընդունել է Եվրախորհրդարանը։
Նրա խոսքով, փաստաթուղթը պարունակում էր բազմաթիվ «փոքր փաստական անճշտություններ ու ստեր»։ Քաղաքական գործիչը փաստաթղթի հեղինակներին անվանել է «հանցագործների հովանավորներ»։
«Այն քարոզարշավը, որն իրականացվում է ի պաշտպանություն հանցագործների և այդ հանցագործների իշխանության վերադարձի, հասել է Եվրամիության բարձրագույն ինստիտուտներից մեկին՝ Եվրախորհրդարանին, ինչը շատ տխուր և տագնապալի է։ Չափազանց տագնապալի է, երբ համաշխարհային գլխավոր թատերաբեմերից մեկը՝ Եվրամիության նման բարձրաստիճան ինստիտուտը, դառնում է ֆեյքերի զոհ»,- ասել է Կոբախիձեն։
Միևնույն ժամանակ, Կոբախիձեն պարադոքսալ է համարում, որ բանաձևը պահանջում է բանտից ազատ արձակել Վրաստանի նախկին նախագահ Միխեիլ Սաակաշվիլիին և ընդդիմադիր Mtavari հեռուստաալիքի գլխավոր տնօրեն Նիկա Գվարամիային, մինչդեռ Իվանիշվիլիին անվանում են վրացական ժողովրդավարության թշնամի։
«Իրականում նրանք [բանաձևի հեղինակները] լավ գիտեն, որ Բիձինա Իվանիշվիլիի շնորհիվ Վրաստանը միայն 2012 թվականից առաջընթաց է գրանցել դեպի ժողովրդավարություն, մարդու իրավունքները և լրատվամիջոցների ազատությունը», – ասել է Կոբախիձեն:
Իշխող կուսակցության առաջնորդը խոստովանել է, որ Եվրախորհրդարանի բանաձևը կարող է դիտվել որպես ակնարկ, որ Վրաստանին, ի տարբերություն Ուկրաինայի և Մոլդովայի, ԵՄ թեկնածուի կարգավիճակ չի տրվի։
«Եթե դա տեղի ունենա, դա կլինի միանգամայն անտրամաբանական և անարդար որոշում, որին կարձագանքեն բոլոր այն մարդիկ, ովքեր հետաքրքրված են Վրաստանում խաղաղությամբ, օրենքի գերակայությամբ և տնտեսական առաջընթացով», – ասել է նա։
Opinion, pooling and voting
