ՌԴ–ում քրեական գործ է հարուցվել ուկրաինական ԶՈՒ –ի շարքերում կռվող վրացիների դեմ

ՌԴ Քննչական կոմիտեի ղեկավար Ալեքսանդր Բաստրիկինի խոսքով՝ ռուս քննիչները քրեական գործ են հարուցել Ուկրաինայի զինված ուժերի ավելի քան 220 զինվորականների դեմ, նրանց թվում` Վրաստանի քաղաքացիների, որոնք, ըստ նրա, կապ ունեն Դոնեցկում և Լուգանսկում «Խաղաղության և մարդկության անվտանգության դեմ ուղղված հանցագործությունների» հետ։

Ռուսաստանն Ուկրաինայի այս երկու շրջանը ճանաչել է որպես անկախ հանրապետություններ։

Բաստրիկինը հայտարարել է, որ 92 հրամանատարի և նրանց ենթակաների արդեն մեղադրանք է առաջադրվել, իսկ 96 մարդ հետախուզվում է, նրանց թվում՝ Ուկրաինայի զինված ուժերի տարբեր ստորաբաժանումների 51 հրամանատար: Բաստրիկինի խոսքով՝ ավելի քան 1300 գործ է հարուցվել ուկրաինական ռազմական և քաղաքական ղեկավարության ներկայացուցիչների և «արմատական ​​ազգայնական խմբավորումների» դեմ։

Ըստ ՌԴ քննչական կոմիտեի ղեկավարի՝ «վարձկանների» դեմ քրեական գործեր են հարուցվել «Ուկրաինայի տարածքում հանցավոր արարքների» համար, և այդ անձինք Վրաստանի, Մեծ Բրիտանիայի, Նիդեռլանդների, ԱՄՆ-ի ու Կանադայի քաղաքացիներ են։ Բաստրիկինը չի նշել նրանց որոշակի թիվն ու ինքնությունը:

Ի դեպ, Ուկրաինայի գլխավոր դատախազությունն իր հերթին հետաքննում է ռուս զինվորականների կատարած ռազմական հանցագործությունների և մարդկության դեմ ոճրագործությունների հազարավոր գործեր։ Հետաքննությունը վարում է նաև Միջազգային քրեական դատարանի դատախազությունը։ aliq.ge

Ուկրաինայում ևս մեկ վրացի մարտիկ է զոհվել

---

---