Առողջ ապրելակերպ և վտանգավոր գազատար

Նինոծմինդա քաղաքում բացօթյա սիմուլյատորների պլանային աշխատանքները ամբողջությամբ ավարտված են։

Այժմ քաղաքի բնակիչները մի վայր ունեն, որտեղ կարող են մարզվել և առողջ ապրելակերպ վարել։ Երիտասարդներն ուրախ են, որ այժմ մարզվելու հնարավորություն ունեն։ Անցնելով այն վայրով, որտեղ տեղադրված են սիմուլյատորները, միշտ կարելի է տեսնել թե՛ երիտասարդներին, թե՛ երեխաներին, ովքեր օրվա տարբեր ժամերին մարզվում են։

Սիմուլյատորների համար նախատեսված տարածքը տեղադրված է Կառլ Մարքս փողոցում գտնվող հացաբուլկեղենի շենքի կողքին: Նախագծի համաձայն՝ տեղադրվել է մետաղյա հովանոց և շրջանակների վրա 9 սիմուլյատոր։ Բացօթյա մարզասարքերը լիարժեք տեսարան կստեղծեն մարզահրապարակի վրա, իսկ հովանոցը կպաշտպանի տաք արևից և վատ եղանակից:

Միայն այստեղ կա մեկ խնդիր՝ թիթեղյա տանիքի տակով անցնում են գործող գազի խողովակները, որոնք վտանգ են ներկայացնում մարզվողներին։

Հարցին, թե գազատարը կմնա նույնը, թե պատրաստվում են տեղափոխել, դիմեցինք քաղաքապետարան։ Մեզ ասացին, որ իրենք վաղուց ծանուցել են SJGS-ին խողովակը հանելու համար։

Պարզելու համար, թե երբ է ընկերությունը պատրաստվում հեռացնել այս գազատարը, կապվեցինք SJGS ընկերության հետ, որտեղից պատասխանեցին, որ աշխատանքային գրաֆիկը խիտ է, ուստի գազատարը կտեղափոխվի ավելի ուշ։

---

---