Ջավախքցի երիտասարդ գրողը արդեն հրատարակված երեք գիրք ունի

Ախալքալաքի մունիցիպալիտետի Գոման գյուղի բնակիչ Բեգլար Գևորգի Չրաղյանը մի քանի տարի է, ինչ ստեղծագործում է, բանաստեղծություն գրում, իր մտքերը, երազանքները, ուրախությունները, վիշտերը, սերը սպիտակ թղթին փոխանցում։

22-ամյա երիտասարդ բանաստեղծը ծնվել է ուսուցիչների ընտանիքում։ Միջնակարգ կրթությունը ստացել է Գոման գյուղի դպրոցում։ Երեք տարի սովորել է Երևանի քոլեջում, որից հետո բարձրագույն կրթություն է ստացել Գ.Վ. Պլեխանովի անվան Ռուսաստանի տնտեսագիտական համալսարանի Երևանի մասնաճյուղում՝ ծրագրավորող մասնագիտությամբ:

Չնայած այն հանգամանքին, որ Բեգլարը մասնագիտությամբ ծրագրավորող է և դպրոցներում աշխատում է որպես ՏՏ մենեջեր, նա չի մոռանում իր ստեղծագործությունը և ստեղծում իր գլուխգործոցները։

Երիտասարդ գրողը ստեղծագործելու սերն ունեցել է մանկուց։

Առաջին գիրքը լույս է տեսել 2019թ. Բեգլար Չրաղյանն առ այսօր երեք գիրք ունի: Առաջին գրքում, որը վերնագրված է «Հոգու աչքերը», հեղինակը խոսում է մարդկային կյանքի, սիրո և կարոտի մասին։

Իր ստեղծագործությունների երկրորդ ժողովածուում, որը լույս է տեսել 2021 թվականին «Թաքնված կարոտ» վերնագրով, հեղինակը խոսում է սիրո մասին իր տարբեր դրսևորումներով՝ կյանքի, հայրենիքի, նրա անմահ հերոսների և ծնողների հանդեպ սուրբ սիրո մասին։ Այս հրապարակումը հեղինակը նվիրել է հոր՝ Գևորգ Չրաղյանի հիշատակին։

Իսկ երրորդ գիրքը լույս է տեսել 2022 թվականի վերջին։ Սա վեպ է մեկ մարդու սիրո պատմության մասին։ Բեգլարի բոլոր հրատարակված գրքերը լույս են տեսել ավագ եղբոր ֆինանսավորմամբ ու աջակցությամբ։

Հիմնականում Բեգլարը ստեղծագործում է գիշերը, միայնակ։ Մինչեւ վերջերս ընտանիքում ոչ ոք չգիտեր, որ նա բանաստեղծություն է գրում։

Հրատարակել է 400 օրինակ գրքեր, որտեղ ավելի քան 600 բանաստեղծություն կա տպագրված։ Բանաստեղծի գրքերի մի մասը նվիրաբերվել է տարբեր մարդկանց, իսկ մնացածը վաճառվել է։

Չրաղյան Բեգլարը Հայաստանի հայ գրողների միության անդամ է։ Նա շարունակելու է ստեղծագործել՝ չմոռանալով և աշխատել իր մասնագիտությամբ։