Հուլիսի 16-17-ը Վրաստանի շրջանների մեծ մասում սպասվում են տեղումներ

Հուլիսի 16-17-ը Վրաստանի շրջանների մեծ մասում սպասվում են անձրևներ, երբեմն՝ հորդառատ, Արևելյան Վրաստանի որոշ շրջաններում հնարավոր է կարկուտ, ասվում է Շրջակա միջավայրի ազգային գործակալության հաղորդագրության մեջ։

Հուլիսի 15-ին՝ շաբաթ, կեսօրից մինչև հուլիսի 18-ի առավոտը կդիտվի ուժեղ արևմտյան քամի։

Ծովում հնարավոր է 3-4 բալ ուժգնությամբ փոթորիկ, զգուշացնում են օդերեւութաբանները։

Սպասվող հորդառատ անձրևները կարող են հեղեղումներ առաջացնել Վրաստանի գետերում, ինչպես նաև սողանքային գործընթացների ակտիվացում հրահրել երկրի լեռնային շրջաններում։

---

---