Սամցխե-Ջավախեթիում ապօրինի ձկնորսության փաստ է բացահայտվել

Սամցխե-Ջավախեթիում ապօրինի ձկնորսության փաստ է բացահայտվել: Այս մասին տեղեկություն է տարածում բնապահպանական վերահսկողության վարչությունը։

«Շրջակա միջավայրի պահպանության և գյուղատնտեսության նախարարության բնապահպանական վերահսկողության վարչության աշխատակիցները 2023 թվականի հունիսի 1-ից 30-ը հայտնաբերել են ապօրինի ձկնորսության 47 փաստ, որոնցից 20-ը պարունակում են քրեական հանցագործության նշաններ, և նյութերն ուղարկվել են համապատասխան մարմիններ հետագա արձագանքի համար:

Ապօրինի ձկնորսության ամենաշատ դեպքերը՝ 9 փաստ բացահայտվել է Իմերեթում, Սամցխե-Ջավախեթիում բացահայտվել է մեկ դեպք:

Օգտագործում էին ապօրինի ձկնորսական գործիքներ՝ ցանցեր, էլեկտրաշոկի սարքեր և այլն։ Բաժնի աշխատակիցները կանխել են էլեկտրահարման սարքերով ձկնորսության 8, ցանցով ձկնորսության 34, թակարդի օգտագործմամբ ապօրինի որսի 5 դեպք։ 

Որսագողության դեմ պայքարի շրջանակներում ինտենսիվ կերպով կանխարգելիչ միջոցառումներ են իրականացվում հատկապես այն վայրերում, որտեղ վերջին տարիներին համեմատաբար հաճախակի են ապօրինի ձկնորսության փաստերը։ Այս տարվա հունիսին իրականացված կանխարգելիչ միջոցառումների արդյունքում ընդհանուր առմամբ հանվել է 1200 մետր ցանց»,- ասված է հաղորդագրության մեջ։tv9news.ge

---

---