Նինոծմինդայում ճանապարհների վերանորոգման մրցույթը չի կայացել

2023 թվականին Նինոծմինդայի քաղաքապետարանից Նինոծմինդա քաղաքի եւ գյուղերի ճանապարհների վերանորոգման համար նախատեսված էր 300 000 լարի, որից ներդրվելու էր նաեւ դեպի Հեշտիայի համայնք տանող ճանապարհի նորոգման համար:

NOR -ռադիոկայանը նախկինում անդրադարձել էր, որ Նինոծմինդա քաղաքում եւ դեպի Հեշտիայի գյուղական համայնք տանող ճանապարհներին տեղ-տեղ փոսեր են գոյացել, այսօրվա դրությամբ գնալով այդ փոսերը ավելի շատանում են եւ մեծանում:

NOR ռադիոկայանին Նինոծմինդայի քաղաքապետարանի ենթակառուցվածքների ծառայությունից տեղեկացրեցին, որ 3 անգամ մրցույթ է հայտարարվել սակայն ոչ մեկը չի կայացել, քանի որ դրանց ոչ ոք չի մասնակցել:

Հարցին թե արդյոք նախատեսվում է որեւիցե վերանորոգման աշխատանքներ անցկացնել վերոնշյալ ճանապարհներին, ենթակառուցվածքների ծառայությունից պատասխանեցին, որ նորից մրցույթ հայտարարելը իմաստ չունի, քանի որ այդ գործընթացը երկար կձգվի եւ ասֆալտապատման աշխատանքները ցուրտ եղանակային պայմաններում հնարավոր չէ իրականացնել: Ուղիղ պայմանագրով նույնպես հնարավոր չէ քանի որ գումարի ծավալը մեծ է: Ճանապարհների փոսերի վերանորոգման աշխատանքները ամենայն հավանականությամբ կտեղափոխվի հաջորդ տարի:

Նշենք, որ Նինոծմինդայի մունիցիպալիտետում ճանապարհների փոսերի վերանորոգման վերջին մրցույթը հայտարարվել է հունիսի 13 -ին եւ ձգվել է մինչեւ հուլիսի 11 -ը:

NOR ռադիոկայանը ընթացքում կլինի հետեւեողական եւ պարբերաբար կտեղեկացնի զարգացող իրադարձությունների մասին:

Կարդացեք նաեւ՝

• Նինոծմինդայից դեպի Հեշտիայի գյուղական համայնք տանող ճանապարհը անմխիթար վիճակում է
• Երբ կմեկնարկեն «Օգնություն գյուղին» ծրագրով աշխատանքները Գանձայում

---

---