Որքա՞ն է թանկացել ռուսական վառելիքը Վրաստանում

Վրաստանում վառելիքը կրկին թանկանում է. Ինչպես պարզաբանում են Նավթ ներմուծողների միությունից, դրա պատճառը ռուսական վառելիքի դեֆիցիտն է, որը, հաշվի առնելով պահանջարկի մատակարարման շղթան, արտացոլվել է նաև գնի վրա։

«BPN»-ը հետաքրքրվել է, թե վերջին 3 ամսում որքան է թանկացել ռուսական վառելիքը Վրաստանում։

Ազգային վիճակագրական ծառայության տվյալներով՝ օգոստոսին հուլիսի համեմատ 1 լիտր վառելիքը թանկացել է 0,07 դոլարով, իսկ հունիսի համեմատ՝ 0,09 դոլարով։

Ավելի կոնկրետ՝ 2023 թվականի օգոստոսին Վրաստանը 69257 տոննա ռուսական վառելիքի համար վճարել է 51 700 940 դոլար, պարզվում է՝ 1 տոննան ապրանքը երկրի վրա արժեցել է համապատասխանաբար 746,5 դոլար, 1 լիտրը՝ 0,75 դոլար։

2023 թվականի հուլիսին Ռուսաստանից ներկրվել է 91 118 տոննա (62 437 620 ԱՄՆ դոլար) վառելիք, ուստի 1 տոննա վառելիքի համար երկիրը վճարել է 685,2 դոլար, իսկ 1 լիտրի համար՝ 0,68 դոլար։

Ինչ վերաբերում է հունիս ամսվա տվյալներին, ապա Վրաստան է մուտք գործել 85 945 տոննա (57 316 050 դոլար) ռուսական վառելիք, ապա պարզվում է, որ 1 տոննայի համար երկիրը վճարել է 666,8 դոլար, կամ 1 լիտրի համար՝ 0,66 դոլար։

Ուշադրություն, գինը հաշվարկված է առանց հարկերի։

Տեղեկության համար՝ Ռուսաստանի կառավարությունը բենզինի և դիզվառելիքի արտահանման ժամանակավոր սահմանափակում է մտցրել՝ ներքին շուկան կայունացնելու նպատակով։ Ինչպես գրում են ռուսական լրատվամիջոցները՝ հենվելով Նախարարների կաբինետի մամուլի ծառայության վրա, կառավարության ղեկավար Միխայիլ Միշուստինն արդեն ստորագրել է համապատասխան հրամանագիրը։

---

---