Սեզոնային գրիպի դեմ պատվաստումը կմեկնարկի հոկտեմբերի երկրորդ կեսից

Ամբողջ երկրի մասշտաբով սեզոնային գրիպի դեմ պատվաստումը կսկսվի հոկտեմբերի երկրորդ կեսից։

Առողջապահության նախարարության տվյալներով՝ իմունիզացիայի պետական ​​ծրագրի շրջանակներում Վրաստանն արդեն գնել է Abbott Biologicals B.V.-ի չորս բաղադրիչ պատվաստանյութի 200 հազար չափաբաժին, որը Առողջապահության համաշխարհային կազմակերպության առաջարկած պատվաստանյութերից է։

Պետական ​​ծրագրի շրջանակում գրիպի վիրուսի դեմ պատվաստում կիրականացվի անվճար ռիսկային խմբերին, որոնք ունեն հիվանդության բարդությունների բարձր ռիսկ։ 2023-2024 թվականների գրիպի սեզոնի համար երկրում գրիպի պատվաստման բարձր ռիսկային խմբեր են սահմանվել՝ շաքարային դիաբետով հիվանդներ, դիալիզի ենթարկվող անձինք, հեպատիտ C-ով տառապող մարդիկ (միայն նրանք, ովքեր բուժում են ստանում); ՄԻԱՎ վարակով/ՁԻԱՀ-ով տառապող անձինք, օրգանների փոխպատվաստումներով և կիստիկական ֆիբրոզով անձինք, նաև 60 տարեկան և բարձր տարեցներ, հղի կանայք, հանրակրթական ուսումնական հաստատությունների (դպրոցների) ուսուցիչներ, Մանկատների (ներառյալ փոքր ընտանիքների) և ծերանոցների շահառուները և նրանց խնամատար անձնակազմը, պարտադիր պատվաստման ենթակա բուժանձնակազմը և այլք»,- նշված է Առողջապահության նախարարության հաղորդագրության մեջ։

Գերատեսչության տվյալներով՝ հոկտեմբերի երկրորդ կեսից պատվաստանյութը հասանելի կլինի իմունականխարգելման ծառայություններ մատուցող հաստատություններում, որոնց ցանկը կհրապարակվի Հիվանդությունների վերահսկման և հանրային առողջության ազգային կենտրոնի կայքում։

---

---