Մինչեւ հունվարի 14-ը Վրաստանում առատ ձյուն եւ սառնամանիք է սպասվում
Շրջակա միջավայրի ազգային գործակալության տեղեկատվության համաձայն՝ հունվարի 12-ի օրվա վերջից մինչև հունվարի 14-ի օրվա երկրորդ կեսը Վրաստանում ժամանակ առ ժամանակ սպասվում են տեղումներ՝ առավելապես ձյան տեսքով, առանձին վայրերում՝ առատ ձյուն, բուք, ճանապարհներին մերկասառույց։
Հունվարի 13-ին կդիտվի արևմտյան քամու ուժգնացում, ծովում հնարավոր է 3-4 բալ փոթորիկ։
Հունվարի 14-15-ին գիշերային ժամերին ցրտահարությունը կուժեղանա։ Արեւմտյան Վրաստանի ցածրադիր քաղաքապետարաններում օդի ջերմաստիճանը կնվազի մինչեւ -3, -5 աստիճան։ Սպասվող ցրտահարությունը կարող է վնասել ցիտրուսային մշակաբույսերին (հատկապես կիտրոնին):
Ավտոճանապարհների առանձին հատվածներում հնարավոր է երթևեկության սահմանափակում։
Opinion, pooling and voting
