Կաթի գները դարձյալ նվազման շեմին են․ Բնակիչները բողոքում են

Կաթի գների տատանումները արդեն որոշ ժամանակ է մեծ աղմուկ են բարձրացնում Նինոծմինդայի բնակչության շրջանում:

Նինոծմինդայի շրջանում հիմնական եկամտի աղբյուր է հանդիսանում անասնապահությունը, սակայն այսօրվա դրությամբ բնակիչները չեն կարողանում իրենց գյուղատնտեսական ապրանքը իրացնել հարմար գներով:

Նինոծմինդայի մունիցիպալիտետի Ջիգրաշեն գյուղի բնակիչները իրենց դժգոհությունն են հայտնում կապված կաթի գների հետ։ Բնակիչներից մեկի խոսքով․ «Մեր գյուղում ապրիլի 1 -ի տվյալներով կաթնամթերքի տեղական արտադրամասերից մեկը նվազեցրել է կաթի գինը 1,20 -ից դարձնելով 1 լարի։ Չնայած որ մյուս արտադրամասերը կաթը դեռևս գնում են 1, 20 լարիով, բայց եթե 1 լարի է ապա անասնապահությամբ զբաղվելը ձեռընտու չէ»:

Մանրամասները՝ ձայնագրությունում․

Ինչպես մեզ հետ զրույցում նշեցին կաթի վերամշակողները՝ չի բացառվում, որ կաթի գները հաջորդ ամիս նվազեն:

NOR ռադիոկայանի տվյալներով Նինոծմինդայի մնացած գյուղերում գնային պատկերը այսպիսին է.

• Սաթխայում կաթի գինը արժե 1,20 լարի:
• Հեշտիայի գյուղական համայնքում կաթի գինը արժե 1,20 լարի։
• Գոնդուրայի համայնքում` 1,20 լարի:
• Մեծ Արագյալ գյուղում՝ կաթը արժե 1,20 լարի։
• Ջիգրաշեն գյուղում կաթի գինը տատանվում է 1 լարիից մինչև 1,20 լարի:
• Օրոջալարում՝ կաթը արժե 1,20 լարի։
• Գորելովկայի համայնքում բնակիչները կաթը վաճառում են 1,20 լարիով։

Կարդացեք նաև՝

• Կաթի գների տատանումներն ու բնակիչների բողոքը
• Արդյո՞ք կաթի ցածր գները կրճատել են կենդանիների գլխաքանակը Նինոծմինդայում. Ինֆոգրաֆիկա

---

---