Նինոծմինդայից դեպի անցակետ տանող ճանապարհի վիճակը․ ֆոտո/վիդեո

Նինոծմինդայից դեպի Բավրայի անցակետ տանող ճանապարհը տեղ-տեղ քանդվել է, և ենթակա է վերանորոգման։

Մասնավորապես ճանապարհը անմխիթար է անցակետից դեպի Ժդանովական գյուղ տանող հատվածում և Նինոծմինդա քաղաքի կենտրոնական (Ազատություն) փողոցը։ Փոսեր են գոյացել նաև Ժդանովական գյուղում, Օրլովկա գյուղի մոտակայքում և այլն, որոնք խանգարում են մեքենաների երթեւեկությանն ու մեծացնում ճանապարհատրանսպորտային պատահարների հավանականությունը։

Նշենք, որ այս ճանապարհով անցնում են ինչպես ծանր բեռնատար, այնպես էլ մարդատար ավտոմեքենաներ:

Հիշեցնենք, որ ապրիլի 2 -ին Վրաստանի ավտոճանապարհների դեպարտամենտից NOR ռադիոկայանի ստացած նամակի համաձայն, ապրիլին Նինոծմինդայի կենտրոնական ճանապարհին կիրականացվեն փոսերի համալիր վերանորոգման աշխատանքներ։

• NOR ռադիոկայանը պարզել է, թե երբ է վերանորոգվելու Նինոծմինդայի կենտրոնական ճանապարհը

Սակայն մինչև օրս ոչ մի տեսակի աշխատանք չի տարվել։ NOR ռադիոկայանը ճանապարհի վերանորոգման հետ կապված, ընթացքում դարձյալ կապ կհաստատի Վրաստանի ճանապարհների վարչության հետ և նյութը կթարմացվի։

Կարդացեք նաև՝

• Նինոծմինդայից դեպի անցակետ տանող կենտրոնական մայրուղին աստիճանաբար քանդվում է. Ֆոտո
• Նինոծմինդայից անցակետ տանող ճանապարհի որոշ հատվածներ վերանորոգվում են

---

---