Նինոծմինդայում սրտանոթային հիվանդություններ ունեցող անձինք կստանան 200 լարի օգնություն

Նինոծմինդայի մունիցիպալիտետի քաղաքապետարանի որոշմամբ՝ Նինոծմինդայի մունիցիպալիտետի տարածքում գրանցված և ապրող սրտի ու արյունատար անոթների հիվանդություններ ունեցող անձինք, որոնց սոցիալական վարկանիշային միավորը չի գերազանցում 120 000-ը, կստանան միանվագ դրամական օգնություն՝ 200 լարիի չափով։

Դրամական աջակցություն ստանալու համար շահառուն քաղաքապետարան պետք է ներկայացնի հետևյալ փաստաթղթերը՝

• Քաղաքապետին հասցեյագրված դիմում

•Շահառուի անձնագրի պատճենը

• Բժշկական հաստատության կողմից տրված տեղեկանք՝ առողջական այժմյան վիճակի մասին՝ անցկացված հետազոտությունների և համապատասխան ծածկագրի նշմամբ

•Բանկային հաշվեհամար

• Սոցիալապես անապահով ընտանիքների տվյալների միասնական բազայից քաղվածք։

Լրացուցիչ տեղեկությունների համար քաղաքացիները կարող են դիմել Նինոծմինդայի մունիցիպալիտետի քաղաքապետարան։

Այս մասին տեղեկանում ենք Նինոծմինդայի քաղաքապետարանի ֆեյսբուքյան էջից։

---

---