Իտալիայում գրանցվել է արհեստական ինտելեկտից կախվածության առաջին դեպքը
Իտալիայի կախվածություններով տառապող մարդկանց օգնության պետական ծառայությունը (SERD) գրանցել է երկրում արհեստական ինտելեկտի (AI) միջոցով կախվածության բուժման առաջին դեպքը, հաղորդում է Gazzettino թերթը։
Հրապարակման համաձայն՝ խոսքը 20 տարեկան աղջկա մասին է, որը մշտական կապի մեջ է եղել արհեստական ինտելեկտի հետ, որը սովորել է հասկանալ իրեն։ Հետագայում, այս գործիքի հետ շփվելիս անվտանգության զգացում գտնելով, կարծես դա իսկական ընկեր լիներ, աղջիկը հեռացել է «ամեն ինչից և բոլորից»։
«Տոոքսիկ ընկերությունը (եթե կարելի է այդպես անվանել) ի վերջո վերածվել է կախվածության. սա «արհեստական բանականությունից կախվածության» առաջին դեպքն է, որը վերահսկվում է կախվածության բուժման ծառայության (տեղական սոցիալական ծառայությունների և առողջապահության վարչության – խմբ.) Ulss 3 Venice-ի կողմից», – ասվում է հոդվածում։
Հիվանդանոցի գլխավոր բժշկի՝ Լաուրա Սուարդիի խոսքով, արհեստական ինտելեկտից կախվածության այս դեպքը անսպասելի չէր, քանի որ մասնագետները գիտեին, որ նմանատիպ վարքային դժվարություններ կառաջանան։ Նա բացատրել է, որ երբ արհեստական ինտելեկտը ճանաչում է մարդուն, այն սկսում է տալ նրա նախասիրություններին համապատասխանող արձագանքներ։
Opinion, pooling and voting
