Հանտավիրուսի համավարակի սպառնալիք չկա. ԱՀԿ գլխավոր տնօրեն
Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Գեբրեյեսուսը հայտարարել է, որ MV Hondius զբոսանավում հանտավիրուսի բռնկումը որևէ լուրջ սպառնալիք չի ներկայացնում:
«ԱՀԿ-ի գնահատմամբ՝ համաշխարհային մասշտաբով առողջության համար ռիսկը ցածր է», -ասել է նա:
Գեբրեյեսուսը նշել է, որ ներկա դրությամբ գրանցվել է վարակման 9 դեպք, ևս երկու հիվանդի մոտ առկա է հանտավիրուսով վարակման կասկած, սակայն նրանց անհրաժեշտ է լրացուցիչ հետազոտություն։ Բոլոր հիվանդները մեկուսացված են և գտնվում են բժշկական հսկողության տակ։ Գեբրեյեսուս խոսքով՝ առաջիկա շաբաթներին կարող են հայտնաբերվել նոր դեպքեր:
Հանտավիրուսը սովորաբար տարածվում է կրծողների միջոցով, սակայն Անդերի շտամը, որով վարակվել են նիդեռլանդական նավի որոշ ուղևորներ Հարավային Ամերիկայում գտնվելու ժամանակ, կարող է փոխանցվել մարդկանց միջոցով։ Ախտանիշերը կարող են ներառել ջերմություն, հոգնածություն, մկանային, ստամոքսի ցավեր, փսխում, փորլուծություն և շնչարգելություն։
Opinion, pooling and voting
