Վրաստանի վարչապետ Իրակլի Կոբախիձեն պաշտոնական այցով ժամանել է Ղազախստանի Հանրապետություն
Կառավարության աշխատակազմի տվյալներով՝ Վրաստանի վարչապետին Աստանայի միջազգային օդանավակայանում դիմավորել է Ղազախստանի տրանսպորտի նախարար Նուրլան Սաուրանբաևը։
«Այսօր Ղազախստանի Անկախության պալատում կկայանա Վրաստանի վարչապետի պաշտոնական դիմավորման արարողությունը։ Իրակլի Կոբախիձեին կընդունի Ղազախստանի նախագահ Կասիմ-Ժոմարտ Տոկաևը։ Նախատեսված են Վրաստանի վարչապետի և Ղազախստանի նախագահի անձնական և ընդլայնված հանդիպումներ, որից հետո երկու երկրների համապատասխան նախարարությունների միջև կստորագրվեն տարբեր ոլորտներում համագործակցության համաձայնագրեր։
Պաշտոնական այցի շրջանակներում Վրաստանի վարչապետը կհանդիպի նաև Ղազախստանի վարչապետ Օլժաս Բեկտենովի հետ։ Հանդիպմանը կմասնակցեն երկու երկրների կաբինետների անդամները։
Վարչապետը Ղազախստան է ժամանել պատվիրակության ուղեկցությամբ, որի կազմում էին փոխվարչապետ և Վրաստանի արտաքին գործերի նախարար Մակա Բոչորիշվիլին, էկոնոմիկայի և կայուն զարգացման նախարար Մարիամ Կվրիվիշվիլին, շրջակա միջավայրի պաշտպանության և գյուղատնտեսության նախարար Դավիթ Սոնգուլաշվիլին և կառավարության աշխատակազմի ղեկավար Լևան Ժորժոլիանին», – ասվում է հայտարարության մեջ։
Opinion, pooling and voting
