Վրացական դպրոցների առաջին դասարանի ուսումնական ծրագրից կհանվի անգլերենը
Վրաստանի պետական դպրոցներում անգլերենի ուսուցումը կսկսվի երկրորդ դասարանից, այլ ոչ թե առաջինից։ Այս մասին հայտնել են վրացական լրատվամիջոցները՝ հղում անելով Կրթության նախարարությանը։
Նախարարությունը բացատրել է, որ փոփոխությունները կապված են ուսումնական ծրագրի վերանայման հետ։ Անգլերենի ուսուցումը նախատեսվում է ուժեղացնել տասներորդ դասարանում՝ ավելի շատ ժամերով։
Նախարարությունը չի նշել, թե երբ են փոփոխությունները ուժի մեջ մտնելու։
Ներկայումս Վրաստանի պետական դպրոցներում պարտադիր է երկու օտար լեզուների ուսուցումը։ Անգլերենը դասավանդվում է առաջին դասարանում, իսկ աշակերտները երկրորդ օտար լեզուն ընտրում են հինգերորդ դասարանում։ Դպրոցները պարտավոր են առաջարկել առնվազն երկու լեզու՝ ամենատարածվածը՝ ռուսերեն, գերմաներեն, ֆրանսերեն կամ իտալերեն։ Կոնկրետ ցանկը կախված է ուսումնական հաստատության անձնակազմից և ֆինանսական ռեսուրսներից։
Opinion, pooling and voting
