Մեկնարկում է «Իմ առաջին տունկը» ծրագիրն առաջին դասարանցիների համար
Վրաստանի կառավարությունը հաստատել է «Իմ առաջին տունկը» նոր պետական ծրագիրը։
«Վրացական երազանք»-ի վարչապետ Իրակլի Կոբախիձեի ստորագրած որոշման համաձայն՝ ամբողջ երկրի մասշտաբով բոլոր առաջին դասարանցիներին հնարավորություն կտրվի տնկելու սեփական տունկը և մասնակցելու դրա հետագա աճի դիտարկմանը։
Կառավարության որոշմամբ՝ ծրագրի հիմնական նպատակն է երեխաների և երիտասարդների ներգրավմամբ ընդլայնել անտառային ու հանրային կանաչ տարածքները, պահպանել բազմազանությունը, կանխարգելել հողերի էրոզիան (դեգրադացիան) և բարձրացնել դեռահասների էկոլոգիական պատասխանատվությունը։
Փաստաթղթի համաձայն՝ ծրագրում կընդգրկվեն Վրաստանի ողջ տարածքում սեպտեմբերի 15-ի դրությամբ գրանցված բոլոր առաջին դասարանցիները։ Ուսանողները/աշակերտները ոչ միայն անմիջականորեն տունկեր կտնկեն, այլև կներգրավվեն դրանց աճի գործընթացի մոնիտորինգի մեջ։
Տունկերի տեսակները կընտրվեն՝ ելնելով շրջակա միջավայրի պայմաններից, համապատասխան կլիմայական գոտուց և կենսաբազմազանության սկզբունքներից, ինչի հիման վրա էլ կսահմանվեն տնկման օպտիմալ ժամկետները։
Ծրագրի իրականացման համար անհրաժեշտ ֆինանսական ռեսուրսների հայթայթումը կապահովի Շրջակա միջավայրի պահպանության և գյուղատնտեսության նախարարությունը՝ «Բնապահպանական պատասխանատվության մասին» Վրաստանի օրենքի 14-րդ հոդվածով սահմանված բնապահպանական ծրագրով։
Ծրագիրը կիրականացվի մի քանի պետական գերատեսչությունների և տեղական ինքնակառավարման մարմինների համակարգմամբ․
Շրջակա միջավայրի պահպանության և գյուղատնտեսության նախարարությունը պատասխանատու է տունկերի գնման, լոգիստիկայի, դրանց տեղափոխման, գործընթացի մոնիտորինգի և իրազեկման արշավների իրականացման համար։
Կրթության, գիտության և երիտասարդության նախարարությունը կապահովի առաջին դասարանցիների ներգրավվածությունը և նրանց անվտանգ տեղափոխումը դեպի տնկման վայրեր։
Տարածքային զարգացման նախարարությունը և համայնքապետարանները (մունիցիպալիտետները) տեղերում կընտրեն համայնքային սեփականություն հանդիսացող տարածքները, կապահովեն տնկման գործընթացի կազմակերպումն ու տունկերի հետագա խնամքը։
Opinion, pooling and voting
