Վրաստանը միջին եկամուտ ունեցողներին վարկ տրամադրելը կսահմանափակի

Վրաստանի ազգային բանկը 2027 թվականից կփոխի վարկի սպասարկման առավելագույն թույլատրելի ցուցանիշը (PTI), որի հիման վրա որոշվում է՝ ամսական եկամտի որ մասն է քաղաքացին կարող տրամադրել վարկի մարմանը։

Փոփոխությունը հիմնականում կվերաբերի 1500–2499 լարի մաքուր ամսական եկամուտ ունեցող քաղաքացիներին։

Նոր կանոնների համաձայն՝

• մինչև 1500 լարի եկամուտ ունեցող անձանց համար սահմանաչափը կմնա 25%,
• 1500–1999 լարի եկամուտ ունեցողների համար՝ 50%-ից կնվազի մինչև 25%՝ 2027 թվականի փետրվարի 1-ից,
• 2000–2499 լարի եկամուտ ունեցողների համար՝ 50%-ից կնվազի մինչև 25%՝ 2027 թվականի սեպտեմբերի 1-ից,
• 2500 լարի և ավելի եկամուտ ունեցողների համար սահմանաչափը կմնա 50%։

Օրինակ՝ 1501 լարի մաքուր եկամուտ ունեցող քաղաքացին ներկայում կարող է վարկի մարմանն ուղղել մինչև 750,5 լարի ամսական, իսկ նոր սահմանաչափի դեպքում՝ առավելագույնը 375,25 լարի։

Ազգային բանկի տրամաբանությամբ՝ փոփոխության նպատակն է նվազեցնել գերբեռնվածության և վարկային ռիսկերի հավանականությունը։ Նոր սահմանաչափերը նախատեսվում է ներդնել երկու փուլով՝ 2027 թվականի փետրվարին և սեպտեմբերին։

---

---