Երևանյան փողոցի բնակիչները կրկին բողոքում են ջրի անբավարարությունից

Երևանյան փողոցի բնակիչները կրկին քաղաքապետարանում էին և բողոքում էին, որ թե գարնան, թե ձմռան ամիսներին մշտապես ջրի խնդիր ունեն:

Բնակիչները իրենց բողոքը հայտնեցին քաղաքապետ Անիվարդ Մոսոյանին՝ խնդրելով, որ վերջինս հնարավորինս շուտափույտ լուծում տա Երևանյան փողոցի ջրի խնդրին:

Բնակիչներից Սևակ Բդոյանը նշեց, որ ստիպված ջուր են կրում հարևանությամբ գտնվող տներից, լողանում բարեկամների տանը: Նրա խոսքով, չնայած որ ջուր չեն ստանում, նրանք կանոնավոր ամեն ամիս վճարում են ջրի վարձը:

Բնակիչների հետ հանդիպման ժամանակ քաղաքապետը նշեց, որ այս խնդիրը գտնվում է լուծման վերջին փուլում է: Նրա խոսքով խնդրի պատճառը այն է, որր այդ հատվածի ջրամատակարարման համակարգը ոչ մեկին չի պատկանում և ոչ ոք չի զբաղվում ջրամղիչ պոմպի տեղադրման հարցերով:

Քաղաքապետը նշեց, որ սպասում են նախարարության պատասխանին, որպեսզի այդ հատվածի ջրամատակարարման համակարգը հանձնվի ընդհանուր ջրամատակարարող ընկերության վերահսկողությանը, որից հետո վերջինս կզբաղվի այդ խնդրի լուծմամբ:

Բնակիչները նշում են, որ հոգնել են սպասելուց, քանի որ պոմպերը տեղում են, սակայն դեռևս տեղադրված չեն:

Բորիս Ղարսլյան

---

---