Ջուրը պղտորված է, սակայն գտնվում է մշտական հսկողության տակ

Ամեն տարի ձնհալի ժամանակաշրջանում խմելու ջուրը մգանում և պղտորվում է:

Նինոծմինդա քաղաքի բնակիչները բողոքում են, որ տաս օրից ավելի է ծորակներից պղտոր և մուգ ջուր է հոսում:

“Ջուրը մուգ է և խմել հնարավոր չէ: Ստիպված խանութից շշալցված ջուր ենք գնում”,- անհանգստանում են բնակիչները:

Խնդրի առնչությամբ մենք դիմեցինք Վրաստանի Համընդհանուր ջրամատակարարող ընկերության Նինոծմինդայի մասնաճյուղի ղեկավար Արզուն Գորոյանին, ով նշեց, որ պղտորվածությունը թույլատրելիի սահմաններում է և մշտական հսկողության ներքո է գտնվում:

՛՛Այո, ջուրը պղտորված է, որը տարվա այս եղանակին նորմալ է: Ջրին մենք քլոր ենք խառնում: Ստուգման համար ջուրը պարբերաբար ուղարկում ենք Ախալցիխե: Եթե Ախալցիխեից բացասական պատասխան ստանանք, ապա կդադարեցնենք ջրամատակարարումը մինչև ջուրը մաքրվի՛՛,-նշեց ջրամատակարարող ընկերության ղեկավար Արզուն Գորոյանը:

Մանրամասները լսեք նյութում.

Անահիտ Զալալյան

---

---