Տերյան փողոցում կրկին խցանվել է կոյուղին

Տերյան փողոցում, Մշակույթի տան դիմաց եւ «Հայոս Քարթլոս» զբոսայգու մոտակայքում կոյուղագիծը խցանվել է եւ կեղտաջրերը ողողելով փողոցը լցվում են Ագրիչայ գետ:

Փողոցում անտանելի հոտ է, բնակիչնըրը բողոքում են այս հատվածում կոյուղու հաճախակի խցանումից, որը պատճառում է անհանգստություն եւ անհարմարավետություն:

Նինոծմինդայի ջրամատակարող ընկերության աշխատակիցները խոստացան առկա խնդիրը կարգավորել երկու օրվա ընթացքում :

Ավելի մանրամասն զրուցեցինք նույն փողոցի բնակիչ Սարիբեկ Ղարսլյանի հետ: