Կլիմայական փոփոխությունները կդառնան երկրագնդի վրա բազմաթիվ աղետների պատճառ

11 հազար գիտնական համարում է, որ կլիմայի փոփոխություններն անխուսափելի են և կդառնան երկրագնդի վրա բազմաթիվ աղետների պատճառ: Այս մասին խոսվում է կլիմայական փոփոխության վերլուծության մասին վերջին զեկույցում: Գիտնականնների պնդմամբ, եթե կլիմայի փոփոխությունների քաղաքականությունը հիմնովին չփոխվի, « մարդկանց սպասվում է անասելի տանջանք»:

Ինչպես նշված է զեկույցում, Փարիզի կլիմայական համաձայնագրի ստորագրող երկրների մեկ երրորդը չի կատարում ստանձնած պարտականությունները:

Փարիզի համաձայնագրի նպատակը գլոբալ տաքացումից խուսափելն է: Գիտնականները պնդում են, որ եթե այսօր առկա վիճակը չփոխվի, երկրագնդի ջերմաստիճանը հնարավոր է ավելանա երեք աստիճանով: Առանձին շրջաններում դրանք կդառնան երաշտի կամ մասշտաբային ջրհեղեղի պատճառ:Համաշխարհային օվկիանոսում ջրի մակարդակի ավելացման պատճառով ափի մերձակայքի բնակավայրերը և տները կհեղեղվեն:

Գիտնականները Փարիզի համաձայնագրի ստորագրող երկրներին կոչ են անում, գործուն քայլեր ձեռնարկել և սահմանափակել մթնոլորտում ածխածնի երկօքսիդի արտանետումները:

Գիտնականները հայտարարում են, որ առանձնապես կարևոր է, համաձայնագրի պայմանները կատարել Չինաստանը, Հնդկաստանը, ԱՄՆ-ը և Ռուսաստանը:1tv.ge

---

---