Գամկղրելիձեն հղիներին կոչ է անում պատվաստվել Pfizer-ով

Վրաստանի Հիվանդությունների վերահսկման ազգային կենտրոնի ղեկավար Ամիրան Գամկղրելիձեն խոսել է բնակչության պատվաստման մասին և անդրադարձել հղիների պատվաստման գործընթացին:

Նրա խոսքով, կորոնավիրուսի նոր՝ «Դելտա» շտամը շատ ագրեսիվ է հղիների համար:

«Անցյալ տարի մենք ունեցանք մահվան միայն մեկ դեպք, այս տարի արդեն ունենք 13 մահ, եթե չեմ սխալվում, երեկ ավելացել է ևս մեկը: Սա շատ տխուր փաստ է, ուստի խնդրում եմ բոլորին պատվաստվել: Այսօր երկրում կա մոտ 25 000 հղի կին: Ես նրանց բոլորին կոչ եմ անում գալ և պատվաստվել Pfizer-ով և հղիության ընթացքում պատվաստանյութի երկու դեղաչափերն էլ ստանալ: Սա նվազեցնելու է նրանց վարակման վտանգը գրեթե 25 անգամ և նվազեցնելու է բարդության և մահվան հավանականությունը մոտ 200 անգամ: Ավելացնեմ, որ հղիները կարող են պատվաստվել ցանկացած եռամսյակում», — ասել է Ամիրան Գամկղրելիձեն:aliq.ge

• Խորհուրդ ենք տալիս բոլոր հղիներին պատվաստվել, դրանով հղի կինը պաշտպանում է ոչ միայն իրեն, այլև երեխային. Դավիթ Դավարաշվիլի
• Դելտա շտամը հղիների մոտ դրսևորվում է ագրեսիվ ձևով
• Ամիրան Գամղրելիձեն կոչ է անում հղիներին պատվաստվել գրիպի դեմ

---

---