Լավ պանիրը չի կարող չափազանց էժան լինել

Պանիր գնելիս ավելի լավ է նախապատվությունը տալ բնական բաղադրությամբ արտադրանքին: Այս մասին ասել է սննդաբան Ելենա Սոլոմատինան:

Մասնագետի խոսքով` ավելի լավ է խուսափել աղի բարձր պարունակությամբ պանիրներից: Բացի այդ, որակյալ պանիրը չպետք է վնասակար հավելումներ պարունակի:

«Ճիշտ է առանց կաթի յուղի փոխարինիչների, առանց արմավենու յուղի մթերք գնել: Մասնավորապես, վերամշակված պանիրներին հատուկ աղեր են ավելացվում, ավելի լավ է հրաժարվել նման պանիրներից»,- ասել է նա:
Գնելիս խորհուրդ է տրվում նաեւ ուշադրություն դարձնել գնի վրա: Փորձագետի կարծիքով` լավ պանիրը չի կարող չափազանց էժան լինել:

Սոլոմատինան նաեւ նշել է, որ կոշտ պանիրներն ավելի շատ սննդարար նյութեր են պարունակում:

«Որքան պինդ է պանիրը, այնքան այն ավելի կոնցենտրացված է եւ ավելի շատ սպիտակուց եւ կալցիում է պարունակում: Ընդ որում, նման պանիրների մեջ, որպես կանոն, ավելի շատ աղ կա: Բայց այն չպետք է չափից ավելի շատ լինի»,- ասել է նա:

Սննդաբանն ընդգծել է, որ բնական տնտեսությունների պանիրները կարող են ավելի որակյալ լինել, քան մթերային խանութներինը: Սակայն դրանք գնելիս մասնագետը խորհուրդ է տալիս նայել բաղադրությանը:news.am

• Արժե՞ արդյոք եփելուց առաջ լվանալ հում միսը
• Խոզի սալը կարո՞ղ է հակաքաղցկեղային հատկություններ ունենալ
• Ինչո՞վ է սեւ սալորն օգտակար
• http://Կաթի կանոնավոր օգտագործումը կարող է երկարացնել կյանքը

---

---