Ցուցարարները բողոքում են «կանաչ անձնագրերի» համակարգի դեմ
«Կանաչ անձնագրային» համակարգի հակառակորդները հերթական բողոքի ակցիան են անցկացնում Թբիլիսիում։
«Ոչ կովիդ անձնագրերին» և «Ոչ պարտադիր պատվաստումներին». այս կարգախոսներով Թբիլիսիի խորհրդարանի շենքի մոտ ցուցարարները «կանաչ անձնագրերի» ներդրման դեմ ցույց են անցկացնում։
Բողոքի ցույցերին հավաքվել է մի քանի հազար մարդ, այդ թվում՝ բազմաթիվ երեխաներ։ Նրանցից շատերը ակցիայի են դուրս եկել առանց պաշտպանիչ դիմակների։
Ակցիայի կազմակերպիչ Զվիադ Թոմարաձեի խոսքով՝ հավաքվածները թույլ չեն տա երկրում «կորոնավիրուսային ահաբեկչություն» հաստատելուն։
«Ավանդաբար մենք հավաքվում ենք Հանրապետության հրապարակում։ Մենք պետք է պայքարենք մեր իրավունքների համար։ Մենք չպետք է թույլ տանք պարտադիր պատվաստում և պետք է վերացնենք կորոնավիրուսի անձնագրային համակարգը», – ասել է Թոմարաձեն։
Անցած կիրակի բողոքի ցույց էր՝ ընդդեմ Covid-ի անձնագրերի. Այնուհետև ցուցարարներն ավարտեցին իրենց երթը Կոստավայի պողոտայում գտնվող Վրաստանի հանրային հեռարձակողի շենքի մոտ։ Ցուցարարները լրատվամիջոցներին մեղադրել են «covid-ահաբեկչության» քաղաքականությանն աջակցելու մեջ։
Հիշեցնենք՝ պատվաստումների գործընթացը խթանելու նպատակով միջգերատեսչական համակարգող խորհուրդը որոշել է դեկտեմբերի 1-ից երկրում ներդնել կորոնավիրուսի անձնագրային համակարգ։ Միայն հատուկ QR ծածկագրի առկայության դեպքում Վրաստանի բնակիչները կկարողանան այցելել մի շարք հաստատություններ, այդ թվում՝ հյուրանոցներ, թատրոններ, կինոթատրոններ, ֆիթնես և սպա կենտրոններ։
Opinion, pooling and voting
