Դպրոցներում ուսումնական գործընթացը վերսկսվել է
Վրաստանի ողջ դպրոցներում այսօրվանից վերսկսվել է ուսումնական գործընթացը։ Կրթության և գիտության նախարարության տվյալներով՝ Վրաստանի բոլոր պետական և մասնավոր դպրոցները լիովին պատրաստ են դպրոցական շենքերում ուսումնական գործընթացի վերսկսմանը։
Նինոծմինդայի մունիցիպալիտետի բոլոր դպրոցներում վերսկսվել է ուսումնական գործընթացը։
Նախարարությունը շարունակում է հնարավորություն տալ ծնողներին ընտրել հեռավար ուսուցման ձև, իսկ ռիսկային խմբերի ուսուցիչները, ցանկության դեպքում, կարող են դասերն անցկացնել հեռակա կարգով։
Covid վիրուսի հայտնաբերման դեպքում կետային սահմանափակումները կշարունակվեն. Դպրոց հաճախելու դեպքում I-XII դասարանների աշակերտներից կպահանջվի կրել դիմակ, իսկ պետությունը կշարունակի ուսուցիչների պարտադիր թեստավորումը:
Այս փուլում պատվաստվել է ուսուցիչների և դպրոցների ղեկավարության 73 տոկոսը։
Այսօր աշխատանքի են անցել նաև գյուղերի մանկապարտեզների մի մասը։ Իսկ մնացած մանկապարտեզները հունվարի 20-ից կվերսկսեն իրենց աշխատանքը։
Opinion, pooling and voting
