Որքա՞ն գումար են միգրանտները փոխանցել Վրաստան

Վրացական առևտրային բանկերին դրամական փոխանցումները 2022 թվականի հունվարին աճել են 12,7%-ով և կազմել 168,8 մլն դոլար, ասվում է Վրաստանի Ազգային բանկի հաղորդագրության մեջ։

2022 թվականի հունվարին Ռուսաստանից Վրաստան տրանսֆերտները 3,4%-ով պակաս են նախորդ տարվա նույն ժամանակահատվածի համեմատ։ Հունվարին Ռուսաստանից դրամական փոխանցումների ծավալը կազմել է 22,4 մլն դոլար՝ էլեկտրոնային փոխանցումների համակարգերի կիրառմամբ վրացական առևտրային բանկերին կատարված դրամական փոխանցումների ընդհանուր ծավալի 13,3%-ը։

Ռուսաստանը, որը երկար տարիներ Վրաստան դրամական փոխանցումների անվիճելի առաջատարն էր, այս տարվա հունվարին առաջնությունը զիջել է Իտալիային։

Ազգային բանկի տվյալներով՝ նշված ժամանակահատվածում Իտալիայից ստացվել է 33,3 մլն դոլար՝ էլեկտրոնային փոխանցումների համակարգերով վրացական առեւտրային բանկերին դրամական փոխանցումների ընդհանուր ծավալի 19,7%-ը։