Թբիլիսիում կառավարության շենքի դիմաց հանրահավաք է անցկացվում
Կառավարության շենքի դիմաց բողոքի ակցիա է ընթանում:
Հանրահավաքին հավաքված են ընդդիմադիր կուսակցությունների ներկայացուցիչները, նրանց համակիրները և շարքային քաղաքացիներ։
Ցուցարարները համերաշխություն են հայտնում Ուկրաինային և միևնույն ժամանակ բողոքում վարչապետ Իրակլի Ղարիբաշվիլիի այսօրվա հայտարարության դեմ, ըստ որի՝ ազգային շահերը հաշվի առնելով՝ Վրաստանը չի պատրաստվում մասնակցել ֆինանսատնտեսական պատժամիջոցներին։
Հանրահավաքում հնչում են բացականչություններ, որ Իրակլի Ղարիբաշվիլին պետք է հրաժարական տա։
Կառավարության տան դիմաց հավաքվածների մի մասի համաձայն՝ Վրաստանը պետք է միանա Ռուսաստանի դեմ պատժամիջոցներին։
Հիշեցնենք, որ այսօր Իրակլի Ղարիբաշվիլին հայտարարել էր, որ Վրաստանը չի միանա Ռուսաստանի դեմ պատժամիջոցներին, ինչն էլ մեծ դժգուհություն է առաջացրել քաղաքացիների մոտ։
Opinion, pooling and voting
