Առաջիկայում ինչ սպորտային միջոցառումներ են անցկացվելու Նինոծմինդայում

Նինոծմինդայի մունիցիպալիտետում առաջիկա օրերին կանցկացվի սեղանի թենիսի հուշամրցաշար եւ դահուկավազքի մրցույթ:

Մարզիչ եւ մրցաշարի կազմակերպիչ Աշոտ Սողոյանը մեզ հետ զրույցում ասաց. «Մարտի 19 -ին՝ ժամը 11:00 -ին, Ջիգրաշեն գյուղում կանցկացվի սեղանի թենիսի հուշամրցաշար որը նվիրված է Ժորա Սնխչյանի հիշատակին: Մրցումներին կմասնակցեն մեր հավաքականի մասնակիցները ովքեր այստեղ նույնպես իրենց որակավորման միավորները պետք է հավաքեն: Բացի դրանից մեծահասակների միջեւ կանցկացվի մրցույթ, որտեղ տարիքային սահմանափակում չկա ցանկացողները կարող են մասնակցել ինչպես տղաները այնպես էլ աղջիկները»:

Նինոծմինդայի մունիցիպալիտետում մոտ օրերս պլանավորվում է անցկացնել դահուկավազքի մրցույթ՝ նվիրված Թադևոս Արզումանյանի հիշատակին:

Նինոծմինդայի մարզադպրոցի դահուկավազքի մարզիչ Հովհաննես Ղարսլյանը մեզ հետ զրույցում ասաց. «Դահուկավազքի մրցույթը կանցկացվի մարտի 20 -ին: Մրցաշարը նվիրված է լինելու դահուկային սպորտաձեւի վարպետ Թադևոս Արզումանյանի հիշատակին: Հյուրեր կունենանք Բակուրիանի քաղաքից ինչպսե նաեւ հրավիրել ենք մարզիկների Հայաստանից: Նինոծմինդայից կլինեն մասնակցիներ, ինչպես նաեւ շրջանի գյուղերից Հեշտիա, Մեծ Խանչալի եւ այլն»:

Մարզչի խոսքով՝ բաց առաջնություն է լինելու, մասնակիցների առումով տարիքային սահմանափակում չկա գյուղերից ովքեր որ դահուկներ ունեն, մարզասեր են եւ ուզում են իրենց ուժերը փորձել, կարող են մասնակցել առանց որեւէ խոչընդոտի:

Մանրամասները՝ աուդիոձայնագրությունում.