Նինոծմինդայում քամուց տուժած քանի դպրոց է գործում հեռավար

Մարտի 19 եւ 20 -ին, ուժեղ քամին զգալի վնաս էր հասցրել Նինոծմինդայի մունիցիպալիտետին։

Ուժգին քամին վնաս էր հասցրել ինչպես բնակիչների տներին, անասնագոմերին, ավտոտնակներին, այնպես էլ մունիցիպալիտետի դպրոցներին:

Գյուղերում եւ քաղաքում կատվածահար էին եղել ճանապարհները եւ կտրվել էին գիշերային լուսավորության էլեկտրահաղորդման լարերը:

Ինչպես տեղեկացանք Նինոծմինդայի ռեսուրս կենտրոնից, քամուց տուժել եւ հեռավար ուսուցման ռեժիմում են գտնվում Նինոծմինդայի շրջանի թվով երկու՝ Թորիա եւ Օրոջալար գյուղերի դպրոցները: Իսկ մունիցիպալիտետի մյուս բոլոր դպրոցները գործում են սովորական ռեժիմով: Համավարակի պատճառով հեռավար ուսուցման մեջ գտնվող դպրոցները նույնպես դուրս են եկել:

Նինոծմինդայի ռեսուրս կենտրոնից նաեւ նշեցին, ինչ վերաբերվում է Թորիայի դպրոցին դեռեւս հայտնի չէ թե երբ կանցկացվեն դասերը դպրոցում, որովհետեւ դպրոցը քամու պատճառով շատ մեծ վնաս է կրել: Իսկ Օրոջալարի հետ կապված՝ քամին քանդել է դպրոցին կից սպորտդահլիճը, որը խոչընդոտ չի հանդիսանա դպրոցում դասերը անցկացնելուն:

Մենք հեռախոսազրույց ունեցանք Օրոջալարի դպրոցի տնօրեն Քաջավան Հանեսյանի հետ, նրա խոսքով. «Երեկ եկել էին Թբիլիսիի ենթակառուցվածքների ծառայությունից, տեսան դահլիճի կտուրը լուսանկարեցին, չափումներ կատարեցին: Իսկ դասերի հետ կապված նշեցին, որ դահլիճի կտուրը չի խանգարում եւ երկուշաբթվանից թույլտվություն ստանալուն պես դասերը կանցկացնենք արդեն դասարաններում»:

Մանրամասները՝ աուդիոձայանգրությունում.

• Քամուց տուժած Օրոջալարի դպրոցի եւ նրա անկտուր սպորտդահլիճի «ճակատագիրը»
• Ե՞րբ է վերանորոգվելու քամուց տուժած Թորիայի դպրոցը եւ ի՞նչպես են շարունակվում դասընթացները

---

---