Ուժգին քամի, կարկուտ, վթարված էլեկտրասյուներ եւ քանդված կտուրներ Հեշտիայում

Այսօր՝ հուլիսի 9 -ին, ժամը 17:30 սահմաններում, Նինոծմիդնայի մունիցիպալիտետի Հեշտիա գյուղում ուժեղ քամին եւ կարկուտը մեծ վնաս են հասցրել:

Ուժեղ քամին քշել է բնակիչների տների, անասնագոմերի, ավտոտնակների եւ արարողությունների տներից մեկի տանիքների թիթեղները: Կարկուտը վնասել է կարտոֆիլի ցանքատարածությունները, ջրհեղեղի հետեւանքով քանդվել են գյուղամիջյան ճանապարհները:

Հեշտիայից դեպի Թորիա գյուղ տանող ճանապարհին էլեկտրասյուն է ընկել, այդ պատճառով Թորիա եւ Ուչմանա գյուղերը մնացել են առանց էլեկտրականության:

Քամու հետեւանքով կտրվել են էլեկտրահաղորդիչ լարեր, էլեկտրականությունը ժամանակավորապես անջատվել է նաեւ Հեշտիա գյուղում:

Կարդացեք նաեւ՝