Առավոտյան լուրեր

Վրաստան

• Վրաստանում տղամարդկանց ամենահայտնի և տարածված անունը Գեորգին է, իսկ աղջիկներինը՝ Նինո։

• Վրաստանում մինչև փետրվարի 17-ը կպահպանվի ցուրտ և ժամանակ առ ժամանակ տեղումնառատ եղանակ։

• Վրաստանում 4,5 մագնիտուդ ուժգնությամբ երկրաշարժ է տեղի ունեցել։

• Գնահատե՛ք հայ փրկարարների աշխատանքը և շնորհակալություն հայտնե՛ք. վրացի բանաստեղծը ամոթանք է տվել թուրքերին ու ադրբեջանցիներին։

• Վրաստանի վարչապետ Իրակլի Ղարիբաշվիլիի խոսքով, չնայած մարտահրավերներին, Վրաստանի իշխանություններին հաջողվել է կանխել ամենամեծ փորձությունը՝ պատերազմը։

• Ազգային շարժումը» բողոքի ցույց է անցկացրել Բիձինա Իվանիշվիլիի տան մոտ։ Ցույցի մասնակիցները պահանջել են ազատ արձակել Միխեիլ Սաակաշվիլիին։

• Վրաստանը երկուշաբթի-երեքշաբթի զգալի մարդասիրական բեռ կուղարկի Թուրքիա։ Այդ նպատակով մեկ միլիոն լարի է հատկացվել։ Ասել է վարչապետ Ղարիբաշվիլին։

Թուրքիա

• Թուրքիայում տեղի ունեցած երկրաշարժերի զոհերի թիվը հասել է 24617-ի։

• Թուրքական բեռնատարները «Վերին Լարսի» անցակետով կանցնեն առանց հերթի։

• Թուրք-հայկական սահմանի <<Ալիջան>> անցակետը շաբաթ օրը բացվել է 35 տարվա մեջ առաջին անգամ՝ մարդասիրական օգնություն հասցնելու երկրաշարժի գոտի։

• Թուրքիայում 48 մարդ է ձերբակալվել, ովքեր կասկածվում են երկրաշարժից հետո թալանի մեջ:

• Երկրաշարժից 140 ժամ անց Անթաքիայում փրկել են հղի կնոջն ու նրա եղբորը։ Տուժածներին ցուցաբերվել է առաջին բուժօգնություն և տեղափոխվել հիվանդանոց։

• Հաթայում երկրաշարժից 131 ժամ անց տներից մեկի փլատակների տակից թուրք փրկարարները ողջ-ողջ դուրս են բերել 7-ամյա մի աղջկա՝ Իրեմ Բագրյաչիկին։

• Փետրվարի 6-ի երկրաշարժը երեք անգամ ավելի հզոր էր, քան 1999 թվականին Մարմարա ծովում տեղի ունեցած երկրաշարժը։ Այս համեմատությունը կատարել է Թուրքիայի նախագահ Ռեջեփ Թայիփ Էրդողանը.

• Երկրաշարժի հետ կապված, Թուրքիայում բուհերը կանցնեն հեռավար ուսուցման, հայտարարել է Էրդողանը։

• Հայաստանից ժամանած փրկարարական ջոկատը շարունակում է աշխատանքը թուրքական Ադիյամանում։

Աշխարհում

• Ռուս զբոսաշրջիկների համար Երևանը պահանջված քաղաքներից է` փետրվարյան հանգստյան օրերն անցկացնելու համար։

• Ռիո դե Ժանեյրոյում կայծակը հարվածել է Հիսուս Քրիստոսի արձանին

• Լոնդոնն ու Կիևը քննարկում են Ուկրաինայում բրիտանական զենքի արտադրությունը։

---

---