ნინოწმინდის ახალგაზრდული ცენტრის წევრები ეცნობიან აუტიზმის მქონე ბავშვთა ცენტრის მუშაობას

ნინოწმინდის ახალგაზრდული ცენტრის წევრები ახალქალაქში გაემგზავრნენ, ცენტრი „ნაბიჯები“-ს საქმიანობის გასაცნობად, რომელიც აუტიზმის სპექტრის მქონე ბავშვების განვითარებაზე მუშაობს. ახალგაზრდული ცენტრის კოორდინატორი ირინა კარსლიანის თქმით, ახალგაზრდებმა ცენტრის საქმიანობის მიმართ დიდი ინტერესი გამოიჩინეს და უამრავი კითხვა დაუსვეს დამფუძნებლებს.

დამფუძნებლებმა გაუზიარეს თავიანთი ისტორია იმის შესახებ, თუ როგორ მოუვიდათ ცენტრის გახსნის იდეა და როგორ დაიწყეს მუშაობა აუტიზმის მქონე ბავშვებთან. მათ ასევე ისაუბრეს თავიანთი სამუშაოს მნიშვნელობაზე და იმ გამოწვევებზე, რომლებსაც აწყდებიან. ცენტრს ესაჭიროება სპეციალისტები, რათა უფრო ეფექტურად განაგრძონ მუშაობა და გასწვდნენ უფრო მეტ ადამიანს, ვისაც დახმარება სჭირდება.

ირინა კარსლიანმა ასევე აღნიშნა, რომ მნიშვნელოვანია ისეთი პროფესიის არჩევა, რომელიც სარგებელს მოუტანს საზოგადოებას და დაეხმარება ადამიანებს. მისივე თქმით, ცენტრი „ნაბიჯები“ გეგმავს ისეთი პროექტების წამოწყებას, რომელიც ახალგაზრდების დასაქმებას შეუწყობს ხელს.

აუტიზმის სპექტრის მქონე ბავშვთა ცენტრში ვიზიტი ნინოწმინდის ახალგაზრდული ცენტრის წევრებისთვის ძალიან სასარგებლო აღმოჩნდა, მათ მიიღეს ბევრი ინფორმაცია და შთაგონება მომავალი მუშაობისთვის. ამ ვიზიტით მათ ასევე გააცნობიერეს, თუ რამდენად მნიშვნელოვანია აუტიზმით დაავადებული ბავშვების დახმარება და რამდენად სჭირდებათ მათ საზოგადოების მხარდაჭერა.

ამის შესახებ უფრო დეტალურად ჩვენს აუდიო რეპორტაჟში თავად ირინამ ისაუბრა.