Սակրեբուլոն հաստատել է քաղաքապետարանի բյուջեի նոր փոփոխությունը

Նինոծմինդայի մունիցիպալիտետի սակրեբուլոն անցկացրել է հերթական նիստը, որին մեկ հարց է բարձրացվել.

Հարցը վերաբերում էր 2023 թվականի բյուջեի մասնակի փոփոխությանը։

Սակրեբուլոյի նախագահ Վահան Արոյանի խոսքով՝ այսօր ներկայացվել է 2023 թվականի քաղաքապետարանի բյուջեի մասնակի փոփոխություն։ Առաջիկայում նախատեսվում է փոփոխել նաեւ ենթակառուցվածքային ծրագրի բյուջեն։

Նինոծմինդայի մունիցիպալիտետի քաղաքապետարանի ֆինանսական ծառայության պետ Սամվել Արզումանյանը սակրեբուլոյի նիստում պատգամավորներին ներկայացրել է բյուջեի մասնակի փոփոխություն։

Փաստաթղթերի արխիվացման համար նախատեսված է 1800 լարի։ 20 հազար լարի է հատկացվել Նինոծմինդա քաղաքի Խոջաբեկ թաղամասում խոշոր եղջերավոր անասունների խմելու ջրի տարրա կառուցելու համար։

Ժդանովական, Եֆրեմովկա, Կաթնատու և Օրոջալար գյուղերի խաղահրապարակների վերանորոգման համար նախատեսված է 20 հազար լարի։

Նինոծմինդա քաղաքում կտեղադրվի բարձր դրոշ՝ 23 հազար լարի արժողությամբ։ Դրոշը կտեղադրվի Ախալքալաք-Նինոծմինդա ճանապարհին։ Նախագիծը նախատեսում է տեղանքի կառուցում և դրոշի տեղադրման համար 20 մետրանոց ցինկապատ դրոշաձողի տեղադրում։

Գանձա գյուղի մարզադահլիճի համար նախատեսված է 18 000 լարի։ Սամցխե-Ջավախքի տարածաշրջանում նախատեսված զբոսաշրջային երթուղու կազմակերպման համար նախատեսված է 15 հազար լարի։

---

---