Բաթումիում կինը 13-րդ հարկից ընկել է մեքենայի վրա

Բաթումի քաղաքի 51-ամյա բնակչուհին վայր է ընկել շենքի 13-րդ հարկի պատուհանից: Այս մասին հայտնում է «Աջարիա» հեռուստաընկերությունը:

Դեպքը տեղի է ունեցել այսօր կեսօրին ՝ Թբելի Աբուսերիձեի փողոցում: Կինը ընկել է բարձրահարկ շենքի մոտ կայանված մեքենայի վրա: Բազմաթիվ կոտրվածքներով նա հոսպիտալացվել է քաղաքի հիվանդանոցներից մեկում: Նրա վիճակը ծանր է:

Այլ մանրամասներ հայտնի չեն: Հարեւանները չեն բացառում, որ կինը փորձել է ինքնասպան լինել: Նրանք նշում են, որ քրոջ մահից հետո նա սթրեսի մեջ էր:

Դեպքի առթիվ հետաքննություն է սկսվել: