Վրաստանում հայտնաբերվել է նոր «Դելտա պլյուս» շտամով վարակված 2 մարդ
Վրաստանում հայտնաբերվել է «Դելտա պլյուս» կորոնավիրուսի նոր շտամով վարակման երկու դեպք: Այս մասին այսօր ճեպազրույցում ասել է Հիվանդությունների վերահսկման եւ հանրային առողջության ազգային կենտրոնի ղեկավար Ամիրան Գամկրելիձեն:
«Դելտա Պլյուս» շտամի մասին առաջին անգամ հաղորդվել էր Մեծ Բրիտանիայում այս տարվա հունիսին:
«Դելտա Պլյուս»- ը, այսպես կոչված, Delta շտամի (հնդկական շտամ) նոր տարբերակն է, որն առաջին անգամ հայտնաբերվել է Հնդկաստանում 2020 թվականի հոկտեմբերին:
Առողջապահության համաշխարհային կազմակերպությունը համարում է, որ այս շտամը երկու անգամ ավելի վարակիչ է, քան «դասական» չինական շտամը, որը սկիզբ է դրել համաճարակին:
Մասնագետները նշում են, որ ի տարբերություն սովորական «Դելտա շտամի», «Դելտա Պլյուս»-ը վիրուսին թույլ է տալիս ավելի արագ կապվել մարդու թոքային բջիջների հետ:
Վրաստանում ներկայում վարակվածների մինչեւ 50% -ը վարակված են «հնդկական շտամով»:
Վարակվածների մյուս կեսի մոտ առկա է կորոնավիրուսի բրիտանական շտամը, որը Վրաստանում հայտնվեց փետրվարի վերջին:
Opinion, pooling and voting
