Արման Ծառուկյանը առաջին ռաունդում նոկաուտի է ենթարկել Խրիստոս Գիագոսին

Լաս Վեգասում անցկացված խառը մենամարտերի UFC Fight Night 192 մրցաշարում ռուսաստանցի մարզիկ ծնունդով Ջավախքից Արման Ծառուկյանը հաղթել է 31-ամյա ամերիկացի Խրիստոս Գիագոսին։

24-ամյա հայ մարտիկը տեխնիկական նոկաուտի է ենթարկել մրցակցին առաջին ռաունդի երրորդ րոպեին։

Մենամարտից անմիջապես հետո Արման Ծառուկյանը մարտահրավեր է նետել թեթեւ քաշային կարգում UFC վարկանիշային աղյուսակը 8-րդ համար, ամերիկացի Դեն Հուքերին։

Արման Ծառուկյանը խառը մենամարտերում տարել է 17 հաղթանակ և կրել 2 պարտություն։ Գիագոսը գրանցել է 19 հաղթանակ ու պարտվել 9 անգամ։ news.am